2017年6月30日 星期五

緬甸式涼拌皮蛋

June 24, 2017, Saturday

昨天讚完Cindy, 今日又要再讚, 佢又再整多一款緬甸式的涼拌菜

呢碟係涼拌蕃茄皮蛋, 入面加了紅蔥頭, 而醬了加了魚露及檸檬汁.  上碟時再灑上烤紅蔥及芝麻.   味道又真係唔錯喎....真係要繼續讚佢.

今餐仲有

西芹牛肉炒什菇

反炸豆卜

腐乳生菜

青紅蘿蔔粟米瘦肉湯

又係四餸一湯, 啱哂我一家大餸王.

2017年6月29日 星期四

緬甸式涼拌茶樹菇

June 23, 2017, Friday

得閒讚吓個工人話佢煮的野好食, 真係使得架!  佢會比多的心機煮食, 我教佢新菜式, 佢亦會比心機學.   今日佢又整咗一個新的涼拌菜式.

用菇嚟做冷盤我都未試過.  今次呢碟係涼拌茶樹菇,  材料用咗茶樹菇(先煮軟), 蛋絲, 生紅蔥頭,  拌烤過的鷹咀頭粉, 加入檸檬汁.   再灑上炸紅蔥頭及花生碎....幾好味.

今餐仲有緬甸式的酸辣蘿蔔煮黃立鯧, 好野味的.

粉絲煮娃娃菜

仲有焗黑毛豬梅頭义燒

木瓜雪耳雞腳湯

四餸一湯, 樣樣都幾好味.

哈哈, 我一邊影, 型爸一邊食....佢食得好快呀!

2017年6月28日 星期三

Salt Recipes

Jun 22, 2017, Thursday

星期四晚, 我地又去試新餐廳呀!

 好耐都無去過, 元朗Yoho Mall I 期. 

 呢間餐廳响L2, 叫Salt Recipes

 入餐廳, 要經過呢間Homeless.hk
 
 呢道就係餐廳入口, 相信兩店是同一老闆

餐廳裝修都係以簡約設計

 而呢張就係我地今日餐單.  呢張餐單同佢地平時餐單有些不同, 因為我從Groupon 買咗兩張二人套餐. 我地就可以在呢張餐單做選擇

 
二公子未到, 咁我地就叫佢地比我地睇吓平時嘅menu, 原來Groupon 真係平好多, 所以限制只可以星期一至五.   仲要早兩天訂位.

 
的手工雪條幾吸引, 出去counter 影張相先

二公子到啦, 我地可以點菜啦....哈哈, 大家有共同口味, 好易點啫.

前菜, 我地點了三客黑松露蘑菇湯, 及一客三文魚沙律.    湯及沙律都唔錯.

 主菜要了兩客肉眼扒 (佢兩個都係牛魔王).  的肉眼扒好腍, ok 呀!

 一客墨魚仔墨魚汁扁意粉, 都幾好味

 另一客係鱈魚子意大利飯.  呢個味道有的怪, 好似fusion咗.  落的蘿蔔, 味道有的酸, 呢款唔係咁鐘意.

 三個人食四人份....勁呀!

 飲品都係四杯, 兩杯藍莓梳打, 兩杯肉桂蘋果茶
 
 蘋果茶要了一冷一熱, 幾好味喎!

 甜品係手工雪條, 其實我地一早揀定架啦, 三個都話要雲呢拿椰子, 但無理由咁傻全部要哂一個口味架.   結果要了一枝芒果熱情果, 另一枝荔枝玫瑰.   唉, 最後都係雲呢拿椰子好味.  我地都係唔like的果汁雪條.

買呢兩張套餐, 送了兩張Homeless.hk HK$50 coupon.  不過睇哂都無咩野好買.

埋單水蛇春咁長, 不過HK$588己預付.  今日只需要付加一HK$59.

我地覺得的食物都OK, 見到人食Fish & Chips 好似好正, 下次有機會嚟試吓.

2017年6月27日 星期二

Oyster Cove

Jun 21, 2017, Tuesday

今日慢魔魔帶我去一間新餐廳, 上星期佢同另外的同事嚟過, 覺得的意粉煮得幾好,  叫我去試吓. 

 呢間餐廳叫Oyster Cover, 响嘉蘭圍. 

 呢間餐廳所有的坐椅麵係高腳櫈, 感覺上似間酒吧多的

叫得做Oyster Cover, 晚市當然有生蠔供應

 Lunch 有另一個menu, 有12款食物供應, 全部都係意粉或意大利飯, 價錢由HK$58 - 98

 午餐包自肋沙律吧, 只有菜及生果

 湯有兩款選擇, 芝士粟米湯及蘑菇湯

 我見的湯咁相似, 索性兩溝整咗個芝士粟米蘑菇湯

 慢魔魔要了大蜆意大利飯

 我要了西班牙豬腩片意粉, 豬腩有的硬但的意粉味道都幾好呀.  

 餐飲慢魔魔要了果汁

我問佢地呢道的咖啡係咪蒸餾咖啡, 佢地話唔係, 咁我諗著唔要啦.   點知嗰位侍應話佢地的咖啡粉係斯里蘭卡入口, 咁好啦, 試吓啦.     不過的咖啡沖出嚟唔香又淡, 唔係我杯茶呀!

埋單唔使加一, 都算抵食.   以後又多一個選擇啦.

不過我櫈佢地驚呀....無咩客.  咁呢道又偏僻的嘅.  希望佢地晚上好生意啦, 唔係點頂得著呀!