2017年6月11日 星期日

蒜芯素什錦

Jun 7, 2017, Wednesday

嗰日晚上七點幾經過街市(好少有機會呢的時間去街市), 聽到廣播.....十文四份, 有買就趁手啦....吓, 咁平嘅, 咩嚟架, 行埋去睇吓.....嘩, 瓜菜菇蕃茄薯仔茄子青椒, 真係咩都有喎, 唔抵得買咗三四十文, 最抵係的粟米鬚粟米芯, 平時十幾文一斤, 現在十文四份, 四嚟煲粟米水, 正正正呀!   其他的每樣執的.....

今日就出咗呢個餸....蒜芯炒什錦, 入面並有六款蔬菜....蒜芯, 翠肉瓜, 燈籠椒, 秀珍菇, 啡菇&草菇.  係咁意用蒜頭起鑊炒炒炒, 已經好好味啦.    哈哈, 十文四樣覺得平平平, 但炒埋一碟就一定貴過炒一碟菜啦.

今餐仲有煎雞翼

檸檬蒸黃立鯧

南乳炒蓮藕

哈哈, 嗰碟蓮藕就呢煲蓮藕湯嘅湯渣...食得唔好嘥, 用南乳炒番的蓮藕, 都好好架.

呢四餸一湯, 都真係唔錯.

沒有留言:

張貼留言