發芽糙米海鮮飯

Jun 18, 2017, Sunday

父親節, 今晚我嚟做大廚呀!  先整個比較花時間的

一田大減價買咗呢款發芽糙米, 今日我同嚟煮海鮮飯呀!

預備了大蝦, 帶子, 蜆肉及墨魚仔

 海鮮洗淨瀝乾, 加的黑胡椒去去腥味

意大行肉腸切粒...  Cindy, 切得大粒咗的喎!  算啦.

乾蔥頭, 洋蔥

半個檸檬汁, 檸檬皮

仲有雞湯及蕃紅花呀!

呢款發芽糙米寫著免浸, 咁就唔浸啦.  不過我覺得如果浸咗, 煮起嚟會快的

先熱鑄鐵鍋落油將腸爆香

加乾蔥頭及洋蔥再炒

加米再炒, 跟著落雞湯去煮.

我加蓋煮了15分鐘, 覺得的米未得, 再加水再煮15分鐘.

直到覺得的米有八成, 我就加蕃紅花, 辣椒粉黑胡椒調味, 不用加鹽, 因的意大利腸頗鹹. 跟著加入海鮮, 鋪上大蝦, 蕃茄

跟著加蓋煮多8分鐘, 熄火焗多大約10分鐘

攪掂啦! 好濃味, 無落過鹽都覺得有的鹹, 下次唔好落咁多意大利腸

的米食落依依韌韌, 有咬口, 咁樣煮的發芽糙米, 唔錯呀!