June 23, 2017, Friday
得閒讚吓個工人話佢煮的野好食, 真係使得架! 佢會比多的心機煮食, 我教佢新菜式, 佢亦會比心機學. 今日佢又整咗一個新的涼拌菜式.
用菇嚟做冷盤我都未試過. 今次呢碟係涼拌茶樹菇, 材料用咗茶樹菇(先煮軟), 蛋絲, 生紅蔥頭, 拌烤過的鷹咀頭粉, 加入檸檬汁. 再灑上炸紅蔥頭及花生碎....幾好味.
今餐仲有緬甸式的酸辣蘿蔔煮黃立鯧, 好野味的.
粉絲煮娃娃菜
仲有焗黑毛豬梅頭义燒
木瓜雪耳雞腳湯
四餸一湯, 樣樣都幾好味.
哈哈, 我一邊影, 型爸一邊食....佢食得好快呀!
沒有留言:
張貼留言