海鮮火鍋

 August 13, 2020, Thursday

今天Cindy放假, 我亦安排了家居工作, 諗著可以照顧型爸二公子的飲飲食食.   點知工作忙到不可開交.   午飯的型爸主動提出如果唔介意食即食麵, 佢可以煮比我食.   吓, 咁貼心, 點會介意, 平時唔鍾意, 但久唔久食一次無問題喎.

到下午, 佢見我都仲係咁忙, 就提議今晚食海鮮火鍋, 佢約阿仔一齊去買....哈哈哈, 我忙到天昏地暗, 咁好offer唔使我煮...yeah yeah yeah!!!

佢買咗三隻新鮮龍蝦

蟶子

龍躉骨腩

家裡有網購的多款丸

仲有安格斯牛

洗幾棵生菜就可以

三個人食, 好豐富啦.

型爸話唔食蒸鍋食火鍋... 咁清湯就烚海鮮.

食完海鮮轉麻辣鍋食肉類.

哈哈, 見我今日工作太攰, 碗都唔使我洗呀!

鬼馬墨魚滑

 August 9, 2020, Sunday

近來多了網購, 連凍用類也在香港網購, 唔使周圍走, 訂了送到家門口.   款式仲好多添

呢一款急凍油條都係網購返嚟, 一包有8條, 迷你的.   同在粥麵鋪買的小很多.

再加上網購了一公斤墨魚滑, 咁就嚟個鬼馬墨魚滑啦.

完全無難道. 跟係將迷你油條切斷, 釀上墨魚膠.   放入氣炸鍋, 180度10分鐘, 咁就攪掂.  無需油炸.

不過呢款油條都係一般, 沒有我想像中的脆

又係網購的火腿腸, 味道一般.  好彩只係買咗少少 

清炒白菜

仲有梅菜炆腩肉

呢餐都算唔錯啦.

麻辣小龍蝦火鍋

Jun 20, 2020, Saturday

食小龍蝦的季所快過, 國內的同事跟我提過很多次, 可惜現在這個時勢, 根本就無可能流動, 只可在腦中想像.....吞口水.

不過我有的是好同事, 回香港要14日隔離, 都幫我帶幾盒回來.  咁當然他回來前已在國內做了核酸測試. 沒有問題才回香港.   他回到香港, 從深圳灣回到家樓下, 我就在他家樓下等. 

真的太辛苦他了, 過關用了幾小時, 幸好小龍蝦時冷凍連冰放入發泡膠箱封實, 回到家打開來, 食然是冰的.

當晚即刻忍唔著, 先食一盒.    Cindy放假, 我同型爸就來個小龍蝦火鍋

今次訂的小龍蝦比之前細盒, 都無所謂啦, 有得食就得

看, 還是冰的.  這個份量, 兩個人食剛好

包裝入面已經有辣湯底, 只需要少量水, 煮滾就食得.

煮好先撈出來放碟上放涼....又吞口水.

好好味呀!


跟著就放魚腩.   講真今次係我第一次買大魚的腩, 平時只會買鯇魚, 但大魚多骨. 但魚佬話叫我試吓, 佢話的肉好滑, 魚腩只有大骨.   咁就買嚟試吓.

魚腩都係放入鍋內, 就咁煮幾分鍾, 熄, 焗熟.   食完小龍蝦先慢慢食.


跟著仲有生菜同呢個火鍋寬粉....薯粉來的, 依韌好味!

又食到撐呀!

辣雞鍋

Jun 18, 2020, Thursday

今日放工又要回家煮食, 但我一早準備好, 回家只要煮好雞就可以食啦.

昨晚醃好辣雞

回到家, 只需用邊爐鍋開到最猛火

用薑蔥蒜起鍋

加的雞件落去煎

跟著再翻轉另一面煎, 炒勻 加蓋煮熟.

辣雞食得啦.  食完加水成辣鍋

的湯料好辣, 菜食咗少少, 但已經好夠. 


呢的火鍋配料都食唔哂.

兩個人, 好影又攪掂一餐

Pizza 二人前

June 11, 2020, Thursday

又是一個要上班, 下班後要趕回家自己煮晚餐的一個晚上.

今日有幾個選擇比型爸 (當然是要他昨天決定的)

A) Pizza 二人前
B) 雲吞麵
C) 砂鍋雲吞雞
D) 焗燒雞
E) 火鍋一鑊熟

大爺要A餐....20分鐘有得食...

Four Cheese Pizza

仲有Fish Finger

兩個人是食唔哂的....  仲可以留兩件pizza 明天午餐吃....嘻嘻, 真慳家呀!

晚餐仲配特飲, 無糖 Lime Soda....

哈哈, 咁又攪掂一餐, easy!

豬腩片包飯

June 4, 2020, Thursday

呢幾個月Cindy放假之, 我都無出去食, 全部都係自己煮.

但今日要返工, 放工回家就真係有的趕, 所以就要諗吓單一又要好味的.

我地一家人最喜歡包著的野食, 今是呢個豬腩片包飯, 响疫症期間都整過好幾次啦.  只不過每次的醃料都有的不同, 上次用韓式辣醬,

今次嘅豬腩片同咗幾款香料來醃, 包括茴香粉, 孜然粉, 五香粉, 香茜粉, 蒜粉, 辣椒粉.  亦加了半個洋蔥落去炒. 

飯就簡單, 昨天叫Cindy煮多的米, 今天翻熱就得.  白米係二公子同型爸吃的.

我怕血醣高, 食五色糙米.   平時一杯米分四餐食. 

型爸喜歡魚子, 比較濃味, , 可隨佢喜歡加落去

型爸喜用生菜包飯, 佢加了魚子

二公子喜歡紫菜

再加的料落白飯,, 哈哈, 唔用紫菜包都咁好味.

我就喜歡加泡菜.

同十款豬腩片, 我們包出幾個味道來...食得飽飽

仲可以預備飯盒, 回到公司都一樣可以包嚟食.

簡易版龍蝦牛扒餐

May 30, 2020, Saturday Night

工人放假, 我唔會懶, 晚餐都係自己煮, 都係四個人食.

唔難吖, 全部簡易版咪得囉

礶頭南瓜湯, 加鮮加一份水, 一份鮮奶就好好味架啦

熟龍蝦開邊, 加上牛油蒜蓉芝士...一焗就得

Q版美國安格斯牛扒, 組長優惠假賣咗一大盒30磅), 一煎就得

Side Dish, 自家制蔬菜薯蓉餅.  解凍之後軟咗, 即放入模內入爐呀...又攪掂

湯加埋呢份都已經好夠啦.

甜品是二公子女朋友買數字屋 Cookie & Cream Ice Cream Puff

食完後生嗰兩位去洗碗.

咁就攪掂一餐, easy 執呀!