加州永泰

August 17, 2015, Monday

返到屋企換好衫, 我地又出發啦.  一行十幾人去深圳福田呀!  本來call 的士, 點知call 台話關口好塞車, 無的士去(實在太多水貨客啦!).   咁我地唯有坐車去上水, 轉乘火車到落馬洲啦.

去到福田, 我地在凱泰茶餐廳那邊, 鄰居已經打電話預約了車, 去一間叫加洲永泰的水療會所,接送係免費架.

 
 大約10分鐘就到...地方真係好靚, 但我唔想拎個手機出嚟係咁影, 用著呢張相啦.  整個接待大堂好似酒店咁.
 

 當我地上車時, 那位接待小姐送了每人一張優惠卷, 價值50元.  到埋單時睇吓可唔可以用.

呢間水療會開業只有入到去更衣窒, 地方又新又靚, 可能今日係星期一, 客人唔多, 服務員返而好多, 咁招呼就一家好啦.

我們開了兩間VIP房, 可以在這裡先做腳底按摩, 做完再上房做全身按摩.    哈哈, 你話我的鄰居幾好, 完全知我心意, 我真係好鍾意按摩架.

按完摩晚上就在水療會的貴賓房食晚飯. 

 
去貴賓房, 要行過呢個玻璃長廊, 幾靚架.

入到寺貴賓房, 已經set好一張12人檯, 哈哈好難先避開唔好影到其他人

呢道放咗好多靚紅酒, 另一個櫃全部都係茅台.

上面有十支八支80年芽台....價值不菲, 168,000人仔一支...誇張的啩.

咁靚嘅VIP房, 都係鄰居的面子. 我地仲可以自己帶酒來, 帶了兩支白葡萄酒, 兩支柚子酒, 一枝Whisky...哈哈, 一圍十二人, 夠飲啦.

晚餐開始....

乳豬一隻...自食的皮, 豬身再斬件...隻豬好味, 好脆呀!


天麻燉老虎斑

呢個餸好特別, 叫炒米蝦(全名就唔知啦), 最特別唔係的蝦, 係的炒米.  的炒米卜卜脆, 好味架.

椒鹽豆腐

 

砂鍋魚頭

什魚煲

水煮魚

 
蔥油雞, 好味喎.

炒有機椰菜花

外婆薑絲炒飯, 炒得好好, 好味呀!

上湯枸杞浸豬潤

熱著上

又係好味!

我生日, 為我訂咗壽包....嘻嘻, 大包中有細包.

最後仲有鮮果拼盤.

今日食得好開心呀!  呢餐我堅持要型爸請食飯.  咁多鄰居一齊, 佢地已經按排, 肯出席已經好比面, 點可以要佢地請食飯.  型爸多得咁多鄰居, 今日完全唔使頭痛去邊道食.  咁一家要佢埋單啦.

不過午餐佢地堅持羅漢請觀音, 咁多謝哂, 大家有來有往.

其實晚飯後仲可以去Karaoki唱歌, 但今日係星期一, 明天仲要返工, 唔唱啦.  大家快快去梳洗(我地個個都係著緊水療會的衣服), 我地要10:30pm前過福田關, 唔係就要經皇崗啦. 

本來今晚好開心, 但八點幾手機蘋果新聞突然有條訊息, 泰國四面佛有炸彈爆炸, 27死百幾人傷...嘩! 咁大件事, 快的返去睇晚間新聞.

返到屋企, 首先都係要响群組再次多謝的鄰居, 陪我過咗開心快樂的一天.