家庭樂

August 1, 2015, Saturday

今日好開心, 節目豐富, 全天都係家庭樂三人行.  難得二公子放假, 一早就同我地一齊出去.

晨早八點幾去接媽媽同哥哥姪女一齊飲茶.  媽媽年紀大, 今次見到佢活動能力又差咗.  老人家年紀大咗就變番小朋友, 對佢要有耐性, 每次都買的零食氹吓佢, 行街要拖著扶著佢.   不過今次行得唔好, 我扶著佢行, 佢都失平衡, 下次同佢出嚟要帶輪椅先得啦.

媽媽今日好開胃, 飲茶食咗好多野呀!  我好少叫媽媽戒口, 佢鐘意食咩就食咩, 只要唔過量都比佢食.   講真, 仲食得幾多年吖.

十點幾飲完茶, 我地先送媽媽返屋企, 跟著先開始我地三人行節目.

我地去睇戲呀!  Isquare IMax, 11:40, 職業特工隊.   套戲幾好精彩呀, 湯告魯斯雖然年紀大咗, 但都仲係好有型呀!  套戲都有好多精彩場面.    睇呢套戲要早的入場呀, 如果唔係就睇唔到湯告魯斯揸著機門飛身入去嗰段呀!  片長兩小時, 睇完出嚟都一點幾啦.   就响Isquare 食午飯啦.

 
 上次睇Iron man 去咗牛陣食火鍋, 今日我地要嚟呢間牛藏食烤牛肉呀!

魚生飯唔啱啦

一於食烤牛肉啦.

個經理係咁sell我地飲特飲, 話第二杯半價, HK$38一杯,但係我對三款口味都無興趣.  結果型爸要了紫蕃薯latte, 二公子要了柚子湯冰.   兩款都係無咩味...可以講係唔好飲呢.


我要了青蘋果梳打, 呢杯平的, HK$18, 都係麻麻。

牛小排, 超薄，只有8片

咁炸著三片先啦

一口牛，有十粒

牛舌仲少的，只有五片

哈哈，凡地今勻要慢慢炸先得啦

的肉係少的，我食埋碗飯就夠啦。 另外兩位牛魔王就可能唔夠啦。

每人仲有甜品，意大利奶凍。

埋單HK$359.  午餐係咁上下啦。

跟著就到下一節目，開車去香港仔整三千煩惱....無辦汰，呢個髮型師剪法啱心水，遠的都去啦，三個人都剪髮, 咁咪當一個節目囉。