彩晶軒

July 17, 2015, Monday

今日約咗Akiramay食晏.   Akiramay喜歡去的坐得舒適的唔好迫迫夾夾嘅地方, 茶餐廳快餐店佢唔啱架.  所以今日同佢去飲茶.

 
好耐都無去過彩晶軒, 咦, 煥然一新喎.

 
裝修後靚咗好多

彩間軒好大, 上次朋友結婚擺酒(幾年前), 好似擺咗六七十圍, 當晚又係做show一樣.

哈哈, 裝修之後, 的價錢就有所更改啦, 的特價點心同點心拼盤坐部無哂啦.

無點心拼盤, 咁我同Akiramay兩個人, 又要遵守2.5呢個原則, 如果唔係又要唔哂啦.   兩個人乘以2.5, 即係 2 x 2.5 =5, 唔可以叫超過五款野, 唔係就食唔哂啦.

我地要咗潮州粉棵

菠蘿义燒包, 一碟有三個, 每人1.5個.

 
要咗一個煲仔飯, 鹹魚肉片煲仔飯, 熱辣辣送上嚟, 好似好正, 但我到煲飯, 就知我地食唔哂啦.
 三樣野啫, 點會食唔哂....

因為我地叫咗兩個甜品麻, 每人一碗雙皮燉奶.  人地話女仔有兩個胃, 其中一個胃係留番嚟食甜品嘅.   其實一碗兩份食都好夠, 不過落單時已經畫咗兩碗, 咁飽都要食埋佢.

的飯我同Akiramay每人勸食都食咗九成, 都唔算好浪費.

呢餐埋單HK$143.   以前有點心拼盤, 叫一份就有幾款選擇, 而家無呢支歌仔唱啦.