母親節2019

May 12, 2019, Sunday

通常都會同奶奶媽媽提早慶祝母親所, 咁到正日, 就輪到我自己啦.

今天一早無偷懶, 同型爸及行山組去行山.  咁始終有的組員要陪母親, 今日只有七人出發.  我地預時間遲點出發, 行鹿頸鳳坑, 去松記食海鮮呀!

9:15 由屋苑出發, 去到南涌觀音廟先拜神, 10:00 正式起行.   十一點幾已經行到松記,  哈哈, 又嚟大吃大喝.

先蒸了兩蘿蜆....鮮甜味美, 唔怪得知組長話要兩蘿, 好快就比我KO, 相都唔記得影呀!

要了魚肚湯, 的料多過的湯, 今日的魚肚有的硬呀!

煎蠔餅

煙肉豆卜炒椰菜

豉油皇炒麵

豉油皇炒吊桶

蒸泥鯭....真係好鮮味呀!

我地七個人要了八款食物, 好彩無叫雞及鴨...因為大家都已經好夠啦.

食飽回程, 真係有的攰意.

返到屋企梳洗後, 不自覺的小睡一下.....突然間有人在我臉上親了一下.....哈哈, 原來係二公子, 佢啱啱收工.

我地晚上一齊出去食飯呀!

去Yoho Town, 一杯居酒屋鐵板燒日本餐廳

三個人叫了幾款東西, 再加一個二人餐

呢款係散叫的三文魚豆腐凍.   哈, 無諗過的三文魚係熟的, 肉係用鹽水浸過, 撈豆腐又幾好味喎!

呢份都係散叫的吞拿魚Tataki

二人餐有兩杯飲品, 二公子要了桃汁札梳打, 我要了海鹽荔枝梳打, 呢杯又幾好味喎.

原來二人餐的前菜, 都係吞拿魚 Tataki, 只係有兩份, 每份兩片

和牛薄燒配溫泉蛋, 有四片和牛

鐵板帆立貝及鮑魚

沖繩豚肉飯及味噌湯, 的豚肉醃得幾好味呀!

其實個二人餐都唔錯.

呢份散叫的鐵板鵝肝就真係麻麻

呢客西冷牛扒的筋就多咗的.

二人餐甜品, 和果子

今晚食得好開心呀!

食完飯仲有節目, 我地去按摩呀!   係呀, 晚上九點幾先去.  明天是佛誕假期, 無需上班, 今晚夜的都無所謂啦.

開心的一天!

富臨慶母親節

May 7, 2019, Tuesday

今年母親節, 都係同奶奶提早慶祝.

姑奶一早在富臨訂了兩位, 各位在群組中, 選了今天, 大家齊人, 都可以出席.

以咁嘅價錢, 今年的餸都唔錯

乳豬拼脆炸素鵝

芝士大蝦菠菜麵

海皇薈燕窩

最特別係有呢個蘿蔔牛湯四寶, 即係牛什呀!

金銀蒜蒸帶子

清蒸海星斑

濃湯浸菜苗

仲有炸子雞, 野米炒飯及甜品.

千幾文一圍全包宴, 真係抵食.

W Hotel 飲宴

May 3, 2019, Friday

今天是其中一位老友鬼鬼女兒出閣的大喜日子, 老友鬼鬼話等到頸都長.   哈哈, 真替她高興.

早上在伯大尼教堂行禮, 晚上就W Hotel Great room 招待親友.

呢道嘅商場, Sky 100 都嚟過, 但W Hotel 飲宴都係第一次.  坐電梯按7字, 出電梯就係reception.   七時嚟到, Cocktail 開始.   點解影相無人, 因為我趁所有人入場就坐, 去洗手時, 先有機會影相.

在走廊盡頭係影相區, 新人不用英文, 要寫中文....讚!   相信那些字, 應該是老友的兒子寫的....老友的兒子是畫家....真的畫家, 在同背各兒女中, 只有她的兒子在中大讀藝術, 而又可以真的成為畫家.

Floor Plan, 共23席(沒有4, 14, 24席)


宴會廳樓頂很高

原來同坐一圍有一對夫婦是素食人士, 所以有一個素食menu

簡約擺設

宴會廳近牆的位置設有分菜區, 的侍應做野都比較方便

飲宴食物都係咁上下, 影影吓顧著傾謁, 同其他朋友影相, 都無繼續影的餸菜啦.

不過呢道上菜好慢, 炸子雞, 飯超過十一點先上, 好多人無食都已經走咗.

咁我地一班老友鬼鬼, 梗係食埋甜品, 撐到最後一刻先走啦.

恭喜恭喜....哈哈, 下一位輪到我的大公子啦...