汕尾三天海鮮美食遊 - Day 1

Apr 19 - 21, 2019, Friday

每年咁上下時間, 我地都會同鄰居商量, 攪一次汕尾海鮮美食遊.

今次夾啱五個家庭, 連林小弟共十人, 兩架中港車, 由屋苑出發.

第一架車因要行深圳灣, 要早半小時出發.  去到深圳灣多人到好似春運咁, 唔怪得之初時佢地話不如去羅湖租車上. 

而我同型爸就坐另一位鄰居的中港車, 經沙頭角上.   呢邊係無人流, 過關暢通無阻.  不過我地點都要等佢地, 所以就去到霞涌休息站等佢地.   我地又唔趕時間, 輕輕鬆鬆, 等吓行吓, 食吓小食, 十二點十五分, 佢地終於到啦.    等佢地去吓洗手間, 我地出發去食午飯.

車行多一個小時, 卒之到呢間東東飯店, 我地嚟過好幾次啦.   呢間東東, 响高德地圖都搵到, 跟GPS都拉到.

大家都好肚餓, 開大餐啦....

走地雞

蓮藕龍骨湯

炒大蜆, 呢隻蜆唔知點鮮咁爽甜, 最緊要係無沙

炆豬小腸

潮州魚蛋

炒蕃薯苗

呢道出名的焗炆鱔

白灼海蝦

家鄉棵條

仲有地瓜飯....的飯無人食, 但係地瓜我就係咁食.

食到捧著個肚, 開車去酒店check in. 

食飽做司機的就辛苦的, 飯氣攻心, 要同佢傾著謁, 唔好比佢閤眼瞓呀!

又係著呢間顯達酒店, 呢間酒店唔錯, 仲係keep 得好好呀!

其中一位鄰居第一次嚟, 見到一本文明手冊, 哈哈, 入面寫的都好實際....同胞們出外旅遊, 一定要文明旅遊, 千祈唔好失國體呀!

今次著九樓, 房間一樣keep得好乾淨

呢道的洗手間全部可以由睡房望入去, 咁當然可以關上簾啦.

大家要休息的休息, 唔休息的就約咗去行商埸, 總之六點大堂集合, 叫咗三架車接我地去食飯.   點解唔開車去, 因為要飲酒囉.


又係呢間豐勝海鮮餐廳.   以前可以由餐廳直接行落海灘, 但現在已經用鐵絲網去著, 行去海灘要兜個大圈, 落緊雨咁就唔行啦.

自備了威士忌, 唔飲酒的就飲天地一號蘋果醋

呢款魚好特吃, 係漁販捕起即哂的,  不過用潮州話講呢款魚時, 大家都捧著個肚笑...發迫係Ba Naen

蝦

苦螺

海膽煎餅

白焯鮮魷

魚湯兩鍋

海膽炒飯兩碟

菜又兩款

蒸魚

什魚煲

龍蝦


每人半隻, 真係好鮮味.

大家食到捧著個肚.

食完都只係八點幾, 外面已經黑哂.

我們叫的車在那裡等, 食完就送我地返酒店.   食到咁飽, 但係佢地一落車就去麥記買雪糕食...哈哈, 甜筒做特價, 買第二枝半價.  真係有另一個胃食甜品.

跟著大家去商場shopping, 行到咁上下先返酒店休息....好滿足.