2019年5月2日 星期四

老友相聚荃灣美心皇宮

April 17, 2019, Wednesday

老友的女兒結婚, 今天相聚於綠楊新村的美心皇宮, 派貼比我地呀!

佢地主場, 由佢地話事.  我地七個人, 要了一個六人餐, 再加一兩個餸, 咁就應該夠.

哈哈, 兩位男士揸主意, 加了家鄉炒米粉, 仲有韓式秘醬豬蹄.  至於韓式泡菜, 就係酒樓係咪都放在檯上.   個個一坐低, 見檯面有野就食啦.

加的先上...家鄉炒米粉

韓式秘醬豬蹄, 要來包豬蹄的新鮮紫蘇葉唔係好掂, 嚡烚烚, 口感唔好, 我朋友仲頂唔順陣味, 改用生菜可能好的.

餐餸上啦...

龍蝦伊麵

脆肉瓜炒龍躉球

脆香蘿蔔條...即係蘿蔔糕切條嚟炸

金蒜醬皇雞

蟲草花蒸龍躉頭腩

花膠雞絲羹

蠔皇鮑螺片, 即係蠔油皇蠔片啫.

金銀蛋菜苗

甜品馬蹄露

埋單一千二百幾, 每人百零文, 係咁上下啦.

食得飽唔飽唔緊要, 最開心係大家傾謁笑餐飽呀!

沒有留言:

張貼留言