2019年9月16日 星期一

2019 Canada Trip - Day 3

July 18, 2019, Thursday

今日姊夫放假, 中午同我地一家一齊去飲茶

介紹我地去呢間豪苑


的裝修都唔錯架


五個人叫十樣點心都ok啦, 因為今早在家吃了豐富的早餐.

安格斯牛肉腸, 好味喎


流沙奶皇飽, 真係好流沙呀, 好味.



其他的點心都大大碟, 真係好夠.

埋單加埋小費, 比咗CAD70

今日姑奶同外甥會由美國飛嚟多倫多, 所以我地要兵分兩路, 大公子同二公子開車去機場接佢地, 而姊夫就同我倆去downtown 行吓先, 接到佢地之後, 大公子會開車同我地响CN Tower 會合.


我地去遊艇會, 行吓坐吓傾吓謁....

點知收到消息, 姑奶佢地過關時, 比海關開哂個喼, 逐樣拎哂出嚟搜查, 連手袋內裡都唔放過, 結果攪咗兩三個鐘先出到嚟.    記著過關時千祈唔好講嚟參加婚禮, 佢地一定會搜.   我地過關時一樣, 要去搜查嗰邊, 但我地一早declare帶多咗錢, 結果問完無搜查我們的行李.

既然要等, 咁我地就搵間餐廳坐吓, 佢地飲啤油, 哈哈, 我飲暖水得啦.  外邊好哂, 我唔想曬黑呀!

埋單另外再加15% 小費 CAD36

收到大公子電話, 接到姑奶外甥, 話咗比佢地我地泊車位置, 等埋佢地一齊行去CN Tower

真係估唔到, 星期四CN Tower 都咁多遊客, 買正常票要等三四個小時.   今晚約咗食飯, 等三四個小時真係唔掂, 咁遠嚟到, 唔通唔去咩, 結果我地加錢排快隊(都要排45分鐘), 先上到去. 


上到上面人好多, 咁周圍影吓相啦.   行完都要排隊坐電梯返落地面. 

上上落落加埋等都攪咗兩個幾鐘, 我地要去食晚飯啦.

大公子介紹呢間叫赤鬼的日本餐廳, 好好生意喎.   好彩訂咗位, 一早已經坐滿

我地開咗一枝1.7 Liter 久保田, 呢枝油要CAB138



今日比的年輕人發辦, 佢地想食咩就食咩啦.

呢餐我地九個人, 要比多的服務費, 埋單CAD693

食到飽飽, 我地回家啦.   姑奶的行李仲响大公子的車尾毛箱, 一到埗就同佢地去玩, 相信佢地都好攰啦.


嘻嘻, 今日趁有空檔, 去超市買手信時, 都買番兩盒零食比我兩隻寶貝呀!



2 則留言:

  1. 一路都有追你嘅Blog, 近三篇得特別親切,好似你就喺我附近一樣,期待餘下的加拿大Blog. =)

    回覆刪除
  2. 謝謝! 我都好開心自己終於可以"的"起心肝, 忘卻香港現時的煩惱, 繼續寫我的加拿大遊記.

    回覆刪除