2019 Canada Trip - Day 9

July 24, 2019, Wednesday

去完五天加東自駕遊都其實幾攰, 今天開始, 就可以在家姊屋企hea 吓, 跟著同大公子出去做的正經事, 行吓shopping mall 買手信.   食野就去到邊食到邊.

午餐去到shopping mall 嘅Food Court, 咦, 有Shanghai Food, 試吓先....

我要咗碗菜肉雲吞.....唔, 有點強差人意, 唔係太難食, 不過都唔係好好味囉.

佢三仔爺就繼漢堡包, Poutine.... 繼續食到津津有味....咁我地承認, 好味過我碗雲吞.

買完野我地返家屋企休息.

晚上約咗在加拿大的老友鬼鬼, 成日都係佢返香港探我地, 嚟到多倫多一家要探佢啦.  大公子唔可以同我地一齊嚟, 因為心袍仔的父母今晚到, 佢兩個去接機.

而我地呢就去咗一間日本壽司店, 的野食都唔錯喎.  因要出counter 先付款, 我就派二公子出去, 朋友就派佢個女出去, 爭比錢, 每人比咗的, 都唔知呢餐食咗幾錢.

跟著去朋友家坐吓.  哈哈, 佢隻老狗東東真係好Cute, 我坐咗朋友平時坐嘅位置, 佢不停雙腳攀在椅邊不停的吠, 停吓吠吓.  咁我問佢我係咪坐咗你個位呀?  跟著坐開, 佢即刻跳上個位唔吠啦.   的狗真係有靈性, 同媽咪霸著個位.

跟著朋友送我地返家姊屋企.   再相約我星期五或星期六再見一次面.