2019年9月20日 星期五

2019 Canada Trip - Day 5

July 20, 2019, Saturday

其實旅行都幾勞累架, 坐車又攰, 行路又攰, 不過一家人一齊玩, 去邊食咩都咁開心,  蓋過哂一切勞累.

嘩, 一早起身去差館, 唔係有咩事吖麻....係呀係呀, 真係有事呀.....咪係班友仔好肚餓囉.

哈哈, 原來呢間餐廳就係响舊差館入面, 食All day breakfast.  其實我真係好驚食All Day Breakfast, 因為個portion好大, 一個人係食唔哂的.

但係我地班年輕人係唔會理, 唔理幾大份都要每人叫一份, 包括型爸.   我真係唔同佢地顛, 我唔叫,  淨係每人攞佢地少少就已經好夠.


除咗心袍仔嗰份細少少之外, 其他的都超大份.   雖然七個人叫咗六份, 但最終都係要打包兩修麵包(每份6塊), 仲要一大盒薯蓉.   咁大份早餐唔食肥人就假.


咁當然唔平啦 (貴過昨晚的晚餐), 仲要加15% service charge. 

跟著返民宿攞返的行李放上車, 我地先去今日行程.

我地尊重每個人的不同嗜好, 姑奶個仔好想行博物館, 我咁都有興趣行吓.  但大公子二公子型爸都無興趣, 咁佢地周圍行吓, 我同姑奶外甥就去行博物館.


去到博物館, 點解無入口嘅, 哈哈, 原來票務處响對面新翼那邊

外甥可以買學生票, 我同姑奶就買成人票.

呢個博物館好大, 分幾層, 仲有新翼及舊翼, 但我地只有一小時十五分鐘就要同大公子佢地匯合.   咁我同姑奶就慢慢行新翼呢邊.   外甥就用最後15分鐘, 跑去行埋舊翼.

影咗好多相呀!











行完博物物館我地就去大教堂, 呢間教堂太出名, 好幾位外國明星都响呢道行婚禮, 咁嚟到就入去參觀吓啦.

不過就要排隊比錢等入場

大公子同袍仔嚟過幾次佢地唔入, 咁我地咁遠嚟到, 點都入去睇吓.



睇完教堂, 我地出發去Quebec.   又要開車三小時, 我地又可以在車上小睡, 辛苦大公子啦, 


心袍仔訂咗一間Villa, 地方好靚呀!  價錢仲好抵添 (相信因為離市中心大約要三四十分鍾路程), 但我地有車出入, 完全無問題

我地住呢間12號屋.  又係要行幾級樓梯, 拎行李有的唔方便, 不過有幾位後生仔幫手, 完全無問題.

入到去係廚房, 跟著係一張大餐檯

再行入去係客廳, 客廳對著有個璧爐

近門口有條樓梯轉落去, 下面有三間房, 有一間雙人房大床

另外兩間雙人房就有兩張單人床


洗衣房都响樓下.    佢地五個人住樓下...咁我同型爸住邊?

响廳側邊有條樓梯行上一層, 上面有主人套房,   嘻嘻, 佢地留番間又大又靚嘅房比我地住呀!

今朝淨係食咗早餐, skip 咗個lunch  (哈哈, 咁個早餐一的都唔貴啦, 一餐頂兩餐), 大家都有的餓, 放低行李就開車去市中心食晚飯.


呢道就係我地住嘅地方, 應該係渡假村, 冬天仲可以滑雪.

大約35-40分鐘出到去市中心.

今晚食法國菜, 已經預訂了一間這裡頗出名小餐廳 Bistro-St Mald

只有十張八張檯, 地方細, 都幾迫架!   冷氣仲唔夠, 不過點都好過坐外面, 因為仲熱呀!



要了炆兔仔肉(呢道好興食兔仔), 油封鴨腿, 牛, 羊都叫了.   大部份菜式都ok, 只有兔仔肉及芝士鍋嘅味道麻麻.


叫埋甜品, 大家都好滿足啦.


加埋service Charge, 呢餐CAD435


食完响餐廳外面影番張相啦.   

食完, 我地快快去附近的超市入貨, 我要買即食麵呀.   佢的個個都話無問題, 但我實唔想食著仔及麵包做早餐.   為咗佢地, 買咗火腿, 腸仔同即食麵.   即食麵响呢道當然無咩選擇啦, 大公子幫我挑選一款, 佢過呢道最好係呢款啦.  

買完, 可以安心回渡假屋.

沒有留言:

張貼留言