2019 Canada Trip - Day 6

July 21, 2019, Sunday

每天最早起身都係我同型爸, 咁我就煮早餐啦.   火腿蛋即食麵, 一杯咖啡... 型爸唔出聲, 話我煮咩佢食咩...食到津津有味, 哼...我都知你心意啦.

食完, 姑奶二公子起床, 又煮比佢地食....

跟著大公子佢地起床, 又再煮一次....早餐足足煮咗三次.... 咁佢地食得開心我都無所謂嘅.

差不多十一點我地先開車出去玩

先去參觀教堂.   呢間教堂亦係呢道地標之一...免費參觀

間教堂幾靚, 上層下層都開放任參觀.  因星期日早上有彌撒, 不要大聲說話便可.

附近有呢間教堂的Poster.

跟著我地去下一景點.

哈哈, 又係去睇瀑布呀!    比起尼加拉瓜瀑布, 呢個梗係小巫啦.  不過唔同玩法嘅.  留意吓瀑布上的天橋, 上面好多人行緊, 我地現在就行過去.

呢道的風景都好靚.

二公子同外甥要去玩Zip Line. 由呢邊飛過去另一面.  面我地就由呢邊經條橋行過去.

行到上橋, 睇落下面都幾澎湃架.

佢兩個一齊飛, 只係十幾秘就到, 趕得切幫佢地影到張降落相.

下午佢地話要要M記....食就食啦....哈哈, 呢個大公子保持係Poutine Friends, 食M記都要叫Poutine.

跟著開車去Quebec 市中心shopping...

橋下有班黑衣人, 站在那裡和平表達意見, 都頗令人注目.

我同型爸行咗好短時間就唔行啦.

去咗間Cafe 飲下午茶, 叫咗個巨型蝴蝶酥, 鴉過麻麻地啫, 唔係好夠酥呀!

兩小時後, 我地出發去食個早晚餐, 心袍仔揾咗間店食生蠔.

去到門面覺得ok呀!

點知入到去只係坐bar 檯, 吓, 咁樣食晚飯唔舒服喎....    餐廳得兩個人, 一個負責水吧, 女侍負責煮及開蠔.

哈哈, 我即刻揸主意, 晚餐改為Happy Hour.  人飲杯野食完生蠔就走.

食咗兩個round, 的生蠔都ok.  

我地見到有兩三檯叫了意粉,   等了很久先上到菜.   幫我地開蠔都開了很久.

埋單走人,  大約CAD140

心袍仔search 另一間餐廳.... 出發

呢條街好多間食肆, 還可以坐纜車上山.

我地嚟到都要排隊等咗二十幾分鐘先有位啦.   周圍行吓又唔覺等咗好耐.

等時睇定餐牌, 睇吓有的咩好食.

哈哈, Happy Hour 完, 一樣食咁多.   呢道的野都唔錯, 兔仔肉煮得好過昨天那家, 但油封鴨腿呢道就整得佔咁好.

食完繼續叫甜品

埋單CAD360.

食完慢慢行返去停車場....咦, 唔得喎, 要行快的.

哈哈, 又要趕去超市, 要買定明天的早餐....繼續食麵....