滇川雲南米線

August 19, 2016, Friday

今天型爸早上送Cindy出機場, 眨吓眼, Cindy來了差不多兩年, 已經和她續約, 她回緬甸15天休假.

放工回家, 型爸說不要太辛苦, 出外食點簡單吧.

去了上水食雲南米線

無咩心思, 都係隨便叫

型爸要了小鍋米線, JHK$24

我要了麻辣紅薯粉, HK$26

我喜薯粉咬落去QQ的感覺

要了炭燒豬頸肉. HK$33

炸雲吞, HK$245..嘩, 一客6隻咁大隻, 不過味道都只係一般.

兩個人隨隨便便的便攪掂一餐

都只係HK$107.

食時就隨隨便便, 但回到家就要不斷喝水.

呢個星期不斷在外晚餐, 真的有點吃不消, 星期二同型爸去Ruth's Chris, 星期三生日去石澗食日本放題.  昨天星期四Cindy放假我地去了知味小廚, 今天別了這個米線, 口渴到不得了.

攪唔掂, 明天開始, 辛苦的都係要自己煮.

牛一

August 17, 2016, Wednesday

今天牛一, 放假一天.   哈哈, 對自己好的, 唔使咁勤力.

二公子同佢女朋友都放假一天陪我...哈哈, 都無咩特別節目, 下午去按摩,晚上去食飯.  其實只要一家人開開心心就得啦.

今早睇電視好開心呀, 中國女排苦戰巴西女排, 卒之羸咗,   兩隊都打得好出色, 但我梗係支持中國隊, 要打到第五局決勝局, 真係好緊張呀!   見到鏡頭前一個巴西小朋友緊張到哭起上來, 但我都唔可以同情, 支持中國女排....yeah!  羸咗!  當係收到一份生日禮物.

睇完女排比賽已經十一點幾, 要出門啦, 點知落雨call 唔到的士, 要行出去搭車, 哈哈, 又好彩遇到組長個女, 佢送我地去火車站.

過關去到福田, 先去間小店食碗麵.   二公子的女朋友唔舒服, 我叫佢兩個先去按摩的地方, 而我同型爸就去食麵,

  呢間蘭州牛肉拉面係清真館,

 只有牛肉羊肉, 無豬肉賣的.

每人要要一碗牛肉拉麵, 的麵好少, 只有兩片牛肉.  但唔好理, 呢間鋪仔只有幾張檯, 但不停有客人幫襯, 流量好快.

另外再要了一碗水餃, share嚟食.  呢碗水餃有二十幾粒呀!

食完就去按摩, 已經約好唒師傅啦.   大約下午四點半, 回程回香港啦.

回程途中, 聽到二公子女朋友話收唔到件, 又話攞野, 咁反到屋企, 我再梳洗吓, 佢地就出去速遞唔知要攞的咩野.

六點幾佢地先返嚟, 再開車出去食晚飯....途中....

 

嘩嘩嘩, 好開心呀! 我Pokemon蛋, 孵咗隻立方獸出嚟, 我想要好耐啦... 型爸, 大公子, 二公子都有, 嘻嘻, 今日我都有啦.

佢地訂咗一間日本餐廳, 响寶勒巷, 叫石澗, 我地食日本夜題呀!

佢地要咗一大埋野, 我都唔影得咁多, 的野都幾好食.   淨係睇吓盤魚生已經好抵啦.  的魚生質量幾好呀!

到佢地再叫第二盤魚生, 我已經頂哈著啦...

仲胃仲有好少好少好少位食杯雪糕啦.

我都唔知, 原來二公子的女朋友訂位兼請食飯.   好抵食, 每位大概HK$250. 

哈哈, 我都無諗過, 原來頭先佢地出去攞件, 係因為速遞延誤, 佢地要出去攞件禮物比我.

二公子的女友訂了一盒印滿了我們家庭相的綿花糖,  好有心思呀!

二公子今年都好大手筆, 買咗條鍊及吊咀...型爸透露了價錢, 我櫈佢肉赤... 阿媽都唔想佢地使咁多錢.

食完飯回家途中, 又有開心事...   差不多仲有十分鐘到家, 二公子大叫有隻我們未捉過的精靈出現, 我們便在附近兜吓, 睇吓有無機會....哈哈, 我們駛上山的一條小路就發現了.

 

捉到呢隻奉神犬, 型爸同我都係CP1396, 二公子乖仔, 佢捉到一隻二千幾CP呀, 開心到佢呢.....

哈哈, 跟著佢地帶我一齊去打館, 今晚羸咗我第一個Pokemon 10元金幣呀!

生日good luck, 呢兩份都係生日禮物呀!

Ruth's Chris Steak House

August 16, 2016, Tuesday

明天先係我生日, 但型爸話今日同我預先慶祝...咦! 明晚唔係約咗一齊食晚飯咩, 型爸話明天同二公子及佢女友, 今日我地二人撐檯腳.

佢訂咗Ruth's Chris Steak House.   呢間以响帝國中心, 現在搬咗去隔離尖沙咀中心1/F

地方比以前大咗好多

但今日無咩客, 只有幾檯

晚餐set menu, 但我地要開車唔飲酒.  兩份餐會太飽, 都係叫A La Carte 啦.

麵包先上

Appetizer 要了Crab Cake, 一客有兩件, 因為我同型爸share食, 佢地已經幫我地分咗兩件.

要了鵝肝

仲有Ruth Chop salad, 呢個沙律好好味, 因為加咗blue cheese, 但應該唔係人人都受得.

要了16oz New York Strip.   又係同型爸share嚟食

  
每人8 oz都好夠啦.

嚿牛扒煎得好好, 好正呀!

今日的portion 叫得好好, 我們要了三個appetize, 一份16oz牛扒, 都食到捧著個肚呀!

呢餐食得好開心呀!

逸翠軒點心專門店

Aug 15, 2016, Monday

今個星期三我生日, 正日那天我請假, 慢魔魔, 麻煩鬼同秘書小姐幫我提早慶祝, 本來話去飲茶, 後來記起冠華中心地下開了一家點心專門店, 我地今日就去試吓.

呢間叫逸翠軒點心專門店

餐單只有呢張點心紙, 有三十幾款包括點心, 小食, 菜, 盎頭飯.

近裝修都幾靚, 但唔知係咪太回聲, 嘈到成個街市咁.

 

 

四個人, 以2.5為原則, 要了十樣野, 奶凰酥, 义燒腸, 潮州粉果, 燒賣, 蝦餃, 馬拉糕, 肉餅飯,鳳爪 排骨飯.   仲有腐皮卷同菜唔記得影.

呢道的野食普普通通啦, 肯定無百樂門咁難食, 又無聚德軒咁好味.

埋單HK$253.  HK$3一位茶, 無需加一服務費, 呢一樣比酒樓平少少啦.

多謝三位!