去完加拿大返嚟, 最攪唔掂嘅係時差, 成個星期個腦都好似唔係好efficient. 每日都正常返工, 每晚都好早瞓, 真係早睡早起, 但係個腦就真係轉得唔係好夠快, 直至過了四五天, 先至比較好的.
呢間又幾好喎, 我之前先打去問, 叫我whatsapp張相睇吓個喼有咩問題, 跟著就回覆我, 拎上去即整及即刻可以拎走....咁梗係好啦, 唔使再行多一次.
整好個喼落到樓下, 多口問吓管理員呢道附近有無餐廳, 管理員話行前小小就有一間, 不過就貴的, 再行遠的巴士站就平好多. 咁型爸問, 好貴架, 食個午餐要幾錢呀! 佢話要七十幾至一百文. 行遠的就三四十文就有交易啦.
拎著個喼, 梗係就近好的啦. 行過去兩三分鐘, 真係有間餐廳, 門口細細, 唔留心真係睇唔到
呢間餐廳叫 @Home Cafe
鋪仔細細, 只有十張八張檯, 但樓底高, 唔覺得焗促.
坐低後都無認真睇清個餐牌就點咗野食.
突然見到隔離檯兩位靚女嘅餐送到,原來呢道有all day breakfast, 佢地點嘅玫瑰咖啡仲好靚添. 我聽到佢地講係專誠嚟呢道食, 只中一位仲話...嗱, 雖然行遠的, 但而家咩都抵啦......吓, 唔通呢道好出名嘅? 咁呢道又真係唔係咁方便, 又唔近地鐵話, 我地開車嚟泊响對面停車場啫.
見到佢地份餐咁靚, 即刻再睇吓餐牌, 睇吓下次會唔會再嚟食.
我們要的餐到啦
黑椒牛扒意粉
我地叫呢兩樣野普普通通, 的咖啡都係普普通通, 不過响工廠區, 算係唔錯啦.
沒有留言:
張貼留言