2016年8月26日 星期五

南涌鳳坑谷埔

August 14, 2016, Sunday

自從隻腳响加拿大時滑落樓梯受傷 , 返到香港都未去過行山.   休閒咗三個星期, 今日算係歸隊啦.

早上七時起床, 都仲落緊雨, 跟著就停雨, 不過今日行"落雨路", 天文台又無雷暴警告, 我地今日都會準時八點半出發.

今日好高興, 有一位新隊員加入, 仲有幾位客人, 組長夫人兩位姐姐, 兩位法藉姨甥及一位英藉姨甥女, 一行十一人呀!

好耐都無見過呢個景色, 天陰無太陽, 無咁熱呀!

之前呢道曾經封村一個月, 我地就幾個月都無嚟行啦.

r呢的岩石都好靚呀!

的牛牛今日聚哂响沙灘, 見到三四隻小牛, 的牛媽媽順利生產了.

好快行到宋伯士多

跟著就到松記.   見到松記嘅老闆楊生, 佢話暑假唔開, 九月先有海鮮食.

之前封村, 咁宋伯士多同松記, 仲有前的另一家餐廳, 咪無哂生意囉?

組長今日想行多的, 又轉去唔知邊條村, 但入面無人嘅

行返出去宋伯士多, 我地幫襯食碗豆腐花啦.   鬼仔鬼妹話好好味呀!

行完山跟著去粉嶺新明苑飲茶, 叫咗好野呀!

其實我今日好攰呢!   個個都問我好番未, 唉, 邊有咁快好番吖, 行路無問題, 但膝蓋唔可以太彎, 又唔可以太直.  行得耐, 隻腳又痛的..   可過唔行又唔得嘅.

早上腳部運動, 下午手部運動呀!

沒有留言:

張貼留言