2016年8月2日 星期二

Canada Trip - Day 7

July 6, 2016, Wednesday

今天一早起床, 七點四十五分要出發. 我們一行九人, 開兩架車去加東三天遊.

由多倫多開車落去, 要六個多小時, 你都咪話唔辛苦.  每開兩小時就搵個休息站停一停, 去吓洗手間, 有需要就換吓司機.

到第二次休息, 我地轉落一個小鎮, 搵間餐廳食午飯

哈哈, 都係快餐店, 食吓Fish & Chips, Hot-dog & Hamburger 啦.

開咗六個幾小時, 卒之到達Mont Tremblant, 呢道中文好似叫翠湖山莊, 呢道係一個渡假中心旅遊熱點, 的外國人一家大細嚟住幾日.

不過我地行程緊密, 只會响呢道住一晚


我地住呢間酒店叫 Ermitage Du Lac, 姊夫三個月前訂, 攞到特價, 每晚C$258.18 再加稅.  每家人一間套房, 房內可以煮野食.  哈哈, 但我地只係住一晚, 點會攪咁多野吖.

掉低的行理, 我地出發上去坐吊車, 時間唔多, 要趁機周圍行吓影相.

呢道環境好靚, 正值 Canada Day Long Weekend, 好多人嚟渡假呀!



我地坐吊車上到山上面, 有好多activites 可以玩.

 型爸係大細路, 佢同大公子, 姪仔, 一齊去揸車


哈哈, 佢地先坐吊車再上一層山, 跟著揸落嚟, 速度好快, 佢地話好刺激呀!   其實呢的渡假村都好識做生意, 冬天滑雪, 夏天就玩車啦.

呢道有個表演台, 可祇晚上有表演都唔定呀!

玩完影一大輪相, 我地响附近搵間餐廳食晚飯.

去咗一間叫Restaurant Casey's.

無特別preference, 都係見咩食咩啫.

天氣熱, 型爸先來一杯麥啤, 好有麥味, 幾好飲噃.


又係各有各叫, 四哥同我地三個坐埋一檯, 咁我地就一齊叫啦

我地無選錯餐廳, 呢間的野好好味呀.   除咗個免翁牛柳portion細兼肉質麻麻, 其他三款都好好味呀!  嗰塊New York Steak 好味呢!   個Back Ribs的肉一的都唔嚡.

我地四個人, 埋單C$163.72 加15% service charge, 即C$188.27.  每人C$45, 即每人大約HK$270, 一的都唔貴呀!

食完晚飯, 我地去行湖邊呀!

不過行吓行吓, 行咗好遠都只係好遠, 結果都係唔行啦.

 
 跟著同圍影吓相.....

最後嘅節目就係去賭場行吓

New Member 有著數, 我同大公子兩個人入咗會, 哈哈, 拎咗小小獎勵金啦.

其實今日都好攰, 早上又坐咗咁多個鐘頭車, 大家返酒店瞓啦.

沒有留言:

張貼留言