2014年9月29日 星期一

難吃的苦瓜

September 18, 2014, Thursday

差不多兩星期了, Cindy對於煮食, 仍是no no no....即係我問佢識唔識, 佢都仲係no no no..

今日就迫吓佢啦, 問佢以前有無食過苦瓜, 佢話有, 咁我即刻打蛇隨棍上, 嗱, 呢兩個苦瓜, 一嚿魚片, 妳用妳的方法炒啦, 緬甸style都無問題....佢即時面有難色, 跟著又話no.

咁我同佢講, 無得no, 一定要煮呀.

哈哈, 結果呢碟緬傭第一炒.....難吃的苦瓜.   

佢好緊張, 我一返到屋企, 佢已煮好捧去我面前. 哈哈, 都唔知點鮮, 睇落都只係用蒜蓉炒, 但食落都真係幾難食, 苦又唔係苦, 有的鹹有的酸, 苦瓜點會酸呢, 唔通叻到落醋. 

 但我唔想傷佢自尊心, 都話ok la, 我同型爸都覺得唔好食, 但勉強"啃"咁的, 剩番好大碟.

洋蔥炒牛肉, 我叫佢將的牛肉切片, 但佢幫我粗切, 孌了牛柳條.  都係咁炒啦.

昨天食麻醬青瓜手撕雞時, 順便整埋拍黃瓜, 但落錯咗老抽, 攪到深色咗添.

猴頭蘑鯊魚骨湯

 
二公子在旅行中, 我同型爸兩個人, 點食得哂, 有一半都係比咗Cindy.

真係要好好研究一下, 點樣令佢煮食可以快的上手呢?

4 則留言:

  1. 我覺得佢係驚冇你煮得咁好,有你珠玉在前壓力大。

    回覆刪除
    回覆
    1. 我覺得仍對煮食無咩興趣, 呢個先係問題.

      刪除
  2. 其實你可唔可以教佢幾個食譜叫佢整?叫佢用緬甸文寫低重點。

    回覆刪除
    回覆
    1. 我已經係咁做啦. 我同佢講時, 佢好似好留心, 但又唔即時寫, 佢話晚上先寫, 咁我又唔想迫佢. 第二日我叫佢比本notes我睇吓, 佢又真係有寫喎 (不過我唔識睇緬甸文).

      好似用麵包機整麵包, 有哂recipe, 我整時個麵包發得好靚. 我問佢有無信心, 佢話ok, 但到佢整個麵包就發唔起. 咁我再睇著佢再做, 咁就無問題. 無辦法, 唯有慢慢嚟啦.

      刪除