自己煮比自己食的母親節晚餐

May 10, 2020, Sunday

睇個Subject好似好陰公豬, 母親節都要自己煮比自己食.  但實際上唔係架, 係我自己係咁搵的野嚟整.   最緊要自己開心.

今天母親所晚餐:


頭盤法式洋蔥湯

主菜: 去骨德國鹹豬手

仲有焗香草手撕雞

伴碟: 焗蔬菜薯餅

睇吓, 我影吓相之麻, 型爸已經食咗差原多半隻雞.

我家型爸大爺, 飲杯啦.

我另外用碟盛起一份餐比Cindy, 同佢講你仔女不在身邊, 現在我同慶祝母親節,  佢飲芬達橙汁, 我飲Apple Cider....我見Cindy開心到有的眼紅紅.....

祝大家母親節快樂..... 

咁啱呢餐都係走牛喎.... 近來發現Cindy好似少食了牛肉.

洋蔥湯

May 10, 2020, Sunday

整洋蔥湯係要好多洋蔥的, 多到有的唔習慣.   今日預算三個人份, 我落了四個洋蔥 (四個都好大個)

我叫Cindy幫忙切, 跟著用中慢火炒.  大約要炒40分鐘至一個鐘

Cindy炒緊時, 我整緊蔬菜薯餅.  佢猛咁問我得未, 我睇咗幾次都話未得.   唔知係咪我話未得佢又炒到好攰, 靜雞雞加大的火, 差的炒到的洋蔥燶哂.  猛火係唔得的, 因洋蔥會釋出糖份.

 

呢盒就係上次煲的牛高湯底....睇吓的骨膠原幾勁

加的牛高湯, 加的麵粉 (小心份量, 不要加太多, 否則的湯好糊唔好飲)

加咗的牛高湯, 滾起面的雜質可除去

加鹽加胡椒粉, 亦可以加的香草

盛起放碗內, 我無整法包呀, 將自家整的牛奶都包, 切半片放在湯面, 再加半片芝士

入焗爐焗至芝士溶就可以上檯.

我自家版法式洋蔥湯攪掂啦.

薯蓉蔬菜餅

May 10, 2020, Sunday

將香草雞及鹹豬手放咗入焗爐之後, 就輪到整蔬菜餅啦.

薯仔四大個 (屋企只有三大兩小薯仔, 湊拼就夠啦) 之前已經放咗入蒸爐蒸30分鐘.   Cindy問我點解唔加水煲, 會快腍好多.  我話比佢聽因為整蔬菜餅, 唔想薯仔太多水份.   蒸完30分鐘, Cindy話好似未完全腍, 咁咪蒸多5-10分鐘囉.

蔬菜就用咗西蘭花加椰菜花

的梗切咗出嚟, 先切片.

小煲加水, 先將梗放入煮分半鐘, 再加的葉煮3分鐘, 將的菜用過濾水過冷河等佢保持脆綠

隔去水份, 用剪刀剪碎.  (唔用攪拌機因為唔想的菜太碎).

我叫Cindy幫忙切半個洋蔥切碎炒軟.

蒸好的薯仔去皮壓碎 (唔需要好似薯蓉咁碎)

加入牛油及芝士 (我用了四塊片裝芝士撕碎.  趁的薯仔仲熱伴勻, 的薯蓉就會好有黏性.

再加入炒軟了的洋蔥

加調味: 鹽及胡椒粉, 蒜粉, 亦可加入些香草

再加入蔬菜拌勻

取蔬菜薯蓉整成球, 碌一碌粉(麵粉或粘米粉) 減去黏性.  鋼模塗少許油再將薯球壓入定型.

退模時要慢慢, 跟著包保鮮紙入冰格定型.

雪硬後再用保鮮紙獨立包裝再入膠盒, 咁就幾時食都得啦.   嘻嘻, 似唔似宜家賣嗰的呀!

呢個份量做了十一個

今晚只有我, 型爸同Cindy, 整三個就得.

食時可以煎或入焗爐焗熱

哈哈, 唔係讚自己, 味道真係好好呀!

香草手撕雞

May 10, 2020, Sunday

同二公子佢地食完飯,  我就回家開工.   雖然話係母親節, 我都係要搵的野嚟做, 母親節晚餐自己煮.

今日要焗雞呀!

切碎的蒜蓉加牛油, 用嚟放入雞皮底.  即係由雞肚下面撕開, 慢慢推上去, 放的牛油, 好似推甩層皮咁.

檸檬放入微波爐叮一分鐘, 放入雞腔內

雜香草加紅椒粉加辣椒粉

搽勻在雞皮上, 放文焗盤

先預熱焗爐至250C

放入去焗30分鐘


同場加影, 焗鹹豬手.   隻豬手昨天已用來煲雜菜湯.  放咗入雪櫃一晚, 入爐前用豬插刺孔, 再搽白醋.

一次過焗兩樣, 慳電慳時間

焗好啦, 隻燒雞好靚

切開大腿位已經熟了

我跟手就做埋手撕呢部份.   手撕後唔係好大碟.   試一啖先....唔, 的雞肉好滑, 味道又好...正呀!

至於鹹豬手, 焗起都好靚, 但唔係成隻脆皮, 只有部份脆.  又順手起埋骨.

雞殼同豬手骨, 又可以留番嚟煲湯呀!   食得唔好嘥麻.

Lunch at Crazy February

May 10, 2020, Sunday 母親節

疫情之下都無出過去食飯,  有時型爸二公子話出去食, 我都話響應政府呼籲, 在家食好的.  但今日母親節,  又多日無確診個案, 二公子話出去慶祝下, 咁梗係應承啦.

我地都係去的偏遠的嘅餐廳, 要開車先到的錦田Crazy February.

二公子帶埋女朋友, 一行四人, 去到餐廳, 有位, 但都要隔開一張檯.

要咗四份午餐, 今日餐湯南瓜湯, 又幾好味, 無落cream 都好好味.

麵包就簡約的, 蒜蓉多士

型爸要了和牛漢堡, 而我就要了原條鰻魚漢堡

咁我梗係同型爸每人一半, 合體變成和牛鰻魚漢堡.  鰻魚漢堡味道好搶, 好食過和牛漢堡.

二公子要了黑松露蘑蘑意粉....我食一啖, 嘩整得好好味, 個醬汁一流.

二公子的女朋友要了鮮茄雞扒意粉.  估唔到鮮茄汁都做得好好.  呢間餐廳保拎水準

他倆要了凍檸茶

型爸要了朱古力特飲(要另外加錢)

我要了蒸餾Coffee, 大大杯但味道一杯

埋單三百幾文, 本來二公子請的, 但佢女朋友爭著埋單,  多謝哂呀!

祝各位母親, 母親節快樂!