香烤芝士蛋糕 Basque Burnt Cheese Cake

Mar 28 & April 4, 2020

呢排真係好多人AirFry...我都唔例外.   其實我都算係AirFry先驅者, 買咗多年, 亦都用咗咁多年

哈哈, 其實除咗細的之外, 其他都仲係好好.   如果焗大件野, 就會用焗爐啦.

 嗰日突然好想食炸豆卜, 咁就整啦.   怕唔夠味, 每個豆卜塞咗半塊芝士入去.

嘻嘻, 咁咪成為芝心豆卜, 點會唔好味.

喟, 又話香烤芝士蛋糕, 攪咩豆卜呀......哈哈, 因為差不多每個星期六日, 我都攪到自己好唔得閒, 係咁搵的野嚟做.      唔止架, 仲有炸德國豬手, 烤燒肉, 只係實在太忙,  好多食哂但都唔記得影相.

講番個香烤芝士蛋糕先.


咩都唔做著, 先包好個焗盤先.   呢個氣炸鍋焗盤買機時送的, 平時好少用, 但用嚟焗呢款蛋糕又幾好用.

屁廉芝士 250g, 糖40g (怕血糖高, 改用了木糖朜), 雞蛋兩隻, 淡忌廉110g, 低筋麵粉20g.   用料就係咁簡單.

先將忌廉芝士放至室溫, 加糖拌勻, 加忌廉打勻

逐隻蛋加入打勻

最後篩入低筋炒再拌勻(打勻)

 將芝士糊倒入焗盤.


預熱氣炸鍋200度5 分鐘

入爐焗30分鐘

攪掂.   焗完震吓震吓架.  待涼放入雪櫃

第二日攞出嚟食.....好味呀!    二公子係咁比like, 每人一件好快食哂, 相都無影呀!

太好味, 清明節假期又再整.

Apr 4, 2020

又係唔樣野, 但加了一湯匙檸檬汁....後來再加咗一茶匙Vanilla extract

今次將忌廉芝士與糖拌勻, 逐一加蛋打勻

再加忌廉打勻, 再篩入低筋粉打勻.

真係好易, 全部材料打至滑就得

倒入焗鍋

都係200度焗30粉鐘.

又攪掂....實在太easy.....    真係要忍吓, 唔係肥死呀!

除咗用氣炸鍋, 另外用焗爐焗蛋糕.

Cindy望著我, 點解今日整兩個蛋糕...

第一, 連續四日假期, 整咗隨時可以食
第二, 芝士蛋糕係甜品, 整完入雪櫃明天先可以食
第三, 蛋糕係小食唔係甜品, 下午tea time食加麻
第四, 想整就即整囉.

共實呢排唔知點解有的強迫症, 係咁迫自己整野食.