五號屋的部落: 3月 2017

2017年3月31日星期五

杯杯蘿蔔糕

March 19, 2017, Sunday

星期日落雨無得行山, 搵的野嚟做吓.   突然好想食蘿蔔糕, 仲要係蒸嗰的.

昨天去街市買咗幾個大蘿蔔, 屋企仲有臘味, 一於整啦.   新年整的蘿蔔糕, 略嫌削咗的, 今次整兩款, 一款用嚟煎, 一款用嚟蒸.

煎的蘿蔔糕實身的, 預備的材料: 蘿蔔2公斤, 雞湯500ml, 臘腸臘肉蝦米隨意, 粘米粉320g, 澄麵 50g, 今次加了50g 鷹粟粉, 希望整好無咁削

蒸的蘿蔔糕軟身的, 預備的材料: 蘿蔔1公斤, 雞湯一公升, 臘腸臘肉蝦米隨意, 粘米粉160g, 澄麵 25g , 沒有加鷹粟粉

先煮用嚟煎的蘿蔔糕

我家的蘿蔔糕, 都係切粗條 (今次又好似粗咗的, 下次試下一的刨一的切),

用雞湯蝦米水煮腍蘿蔔, 熄火, 加炒過的臘味及蝦米

今次用咗4條臘腸, 4條潤腸, 一條臘肉, 半碗蝦米

將所有粉拌勻

將粉篩入拌成蘿蔔糊, 如果好稠, 就加點滾水或雞湯. 麵糊要稠但依然可

入盒, 我今次裝得滿滿, 只有三盒

跟著再整埋的蒸蘿蔔糕

今次的粉拌勻之後加水成粉漿, 再加落的煮好嘅蘿蔔, 好明顯, 水份多的, 拌時亦都容易的. 我嘅目標係蒸好時震吓震吓, 咁就very good 啦.

2公斤蘿蔔整咗三滿盒

而另外1公斤蘿蔔就整咗十個杯杯蘿蔔糕

蒸好之後就即刻剩低八個

因為蒸好咗之後, 急不及待試吓. 哈哈, 的蘿蔔糕軟身咗的, 但仲未夠震呀! 哈哈, 無辦法, 落得太足料, 睇吓見到哂一絲絲蘿蔔. 味道當然十分好啦. 外面食嘅蘿蔔糕, 通常都係粉多蘿蔔少.自家製嘅蘿蔔糕, 梗係多料啦.

一次食唔到咁多, 剩低嘅可以入冰箱. 隨時蒸熱又或者要嚟炒蘿蔔糕, 都可以.

2017年3月30日星期四

緬甸魚湯麵線

Mar 19, 2017, Sunday

星期天本是行天, 但落大雨, 乖乖在家休息.

星期日好少在家吃午餐, 今日在家, Cindy專誠為我們煮緬甸魚湯麵線.

呢個魚湯都幾花時間煮. 用水加香茅煮熟的魚, 魚湯留起備用, 鯇魚腩去骨拆肉

佢仲預備了紅蔥頭, 烚蛋

呢包係佢家鄉嘅魚湯粉包

一包入面有兩小包, 今次佢用一包, 加水開勻

加入湯煮滾

而魚肉就加入薑蔥蒜香茅醬炒到略為乾身

佢就係用呢個搥盅將薑紅蔥蒜香茅搥成醬

將的魚加埋入的湯都就得啦. 嘩, 今日的湯好似好濃喎.

今次用呢的日本麵線

Cindy仲預備了炸蒜油, 辣椒粉調味

麵線加入魚湯, 仲有半隻蛋, 咁就成為美味的魚湯麵線.

煲咗去濕茶, 加埋碗魚湯麵線, 就係我地美味的午餐.

2017年3月29日星期三

粥底海鮮蒸鍋

March 18, 2017, Saturday

有時真係唔使約, 擇日不如撞日. 今早同奶奶姑奶二伯佢地飲茶, 講開好耐無食海鮮蒸鍋, 今晚一於同型爸買海鮮食蒸鍋. 點知奶奶姑奶二伯全部都話無試過蒸鍋, 哈哈, 咁一於一陣拜完山, 全部去我屋企食晚飯啦.

今年我地早了三星期, 選星期六, 唔使排蛇餅, 仲可以排隊泊埋架車入去寶福山. 好快手攪掂. 不過今年多咗好多猴子, 等的人一拜完山, 佢地就走落嚟攞的貢品嚟食.

先載奶奶佢地返屋企, 開埋張電動麻雀比佢地玩, 我就同型爸去買海鮮