北菰雞鴛鴦臘腸煲仔飯

February 25, 2017, Saturday

天氣凍一凍, 唔單止整羊腩煲, 仲整多個煲仔飯 (今年又係第一次)

用了鏞記鴨潤腸及越南買回來的蝦肉臘腸.  先汆水.

用了三杯米, 加三杯零五分一上湯

加入潤腸膿腸一齊煮

用Berndes 煲, 煮到出煙水蒸氣集在蓋上便打開

再將調好味的北菰雞鋪在飯面上

用中小火再煮大約八分鐘

打開睇吓, 的雞都差唔多得

加蓋用中大火多煮兩分鐘, 跟著熄火焗20分鐘

食得啦....

夾起的餸先

睇吓的飯, 唔黐底, 仲有的飯焦....正呀!

今晚仲煲咗個雪耳螺頭湯

加埋羊腩煲

結果呢餐大大餐, 食唔哂啦.

Cindy真係細食咗.  今次比呢一大碟, 佢話食唔哂, 去年佢可以食兩大碟....等我仲煮重佢米添.