February 25, 2017, Saturday
真係好耐無整過羊腩, 趁呢幾天仲凍, 即刻整番個羊腩煲先.
呢道有三斤羊腩, 陶媽幫我買的. 不過我覺得係羊胸多個羊腩, 哈哈, 都好啦, 無咁肥.
羊腩白鑊烘爆, 再用清水洗淨瀝乾, 去吓的羊騷味 (代替了汆水)
配料有冬菰, 冬筍(礶頭的)
馬蹄
枝竹
調味用柱候汁, 南乳及腐乳
薑蔥蒜就唔炒得啦.
薑蔥蒜起鑊
跟著爆香的醬料
加羊腩爆透,
再加入冬菰, 冬筍, 馬蹄, 加少許水(或上湯), 加蓋煮了五分鐘
哈哈, 跟著就放入萬能煲炆, 咁我就可以煮第二樣啦.
炆好的羊腩, 再轉落火鍋煲, 一陣就可以烚吓烚吓
焯埋的芹菜生菜嚟食啦.
沒有留言:
張貼留言