Hokahoka 日本料理

March 17, 2017, Friday

型爸今日出嚟搵我食午飯, 本來諗著同佢去食日式燒肉.   點知大安主意, 去到純話滿座無位.   咁型爸話不如去Naked 啦.

點知行到去好時中心, 型爸見到另一間日本餐廳, 佢話不如試吓啦....咁試就試啦.

 呢間餐廳叫Hokahoka, 都幾好生意喎, 我地都要等咗一陣先有位.

那位小姐好好禮貌, 叫我地睇吓食咩先, 可以先落單, 因好快有位.

 我地點咗呢款彩膳便當, 同埋今日特食豬肉生薑燒+炸魚餅喬麥麵

 首先上的是便當的茶碗蒸蛋, 味道都唔錯, 的蛋蒸得好滑

今日定食嚟啦, 睇落都幾好.   但食落就大失所望.  的飯唔得, 豬肉又嚡, 最差係碗喬麥都, 的麵斷又碎一即係麵質唔得啦.   HK$83一份餐都唔係平啦, 的質量唔得呀!

 呢份便當又係麻麻, 食物質數麻麻

埋單HK$183, 唔使加一.

不自覺作出比較, 純燒肉及Naked的食物質數比呢道好好多..... 純粹個人意見.