Jun 14, 2015, Sunday
連續兩個星期行咗大埔滘林徑, 今日都繼續, 因為呢道唔曬, 上到去行林徑, 溫度比山下低, 雖然一樣出汗, 但唔曬就行得舒服好多. 再加上呢道有四條路線, 可以有所選擇.
哈哈, 今日我地行紫路呀....明明只有紅藍啡黃四條路徑, 去邊道搵條紫路呀....
嘻嘻, 藍加紅咪變紫囉.
今日八點二十五分已經到咗起點
起點有一個休息亭, 但通常都無咩人休息, 反面係要先去洗手間, 因為除了起點, 沿路都無洗手間.
我地今日先行藍路
昨晚落過大雨, 的泥土都仲有濕, 石上有青苔, 我地行在可上都好好小心. 呢道因為陽光曬唔到, 所以過咗咁多個鐘, 地下都係濕嘅.
藍路雖然唔難行, 但一樣有石級&斜路, 不過斜度無啡路嘅石級咁斜.
平時都無留意, 今日呢道有條小瀑布, 可祇昨晚大雨, 好多雨水沖落嚟
呢幅圖好清楚藍路及紅路, 我地行了大約一個鐘, 就到達黃色標示"閣下在此"的地段
跟著又到黃啡藍路集匯處
十幾分鐘就到平時大休息處, 呢個休息地方, 好多人在他息.
由呢道行去大埔墟火車站, 要45分鐘呀!
我地繼續行, 唔係去番起點/終點, 我地要去行紅路呀!
紅路比較平坦, 無咩斜路石級, 亦最多人行, 有的帶埋狗狗一齊行. 經過兩處石澗.
不過因為之前落過雨, 的水流都好急. 漁濃處都有標示唔好在水澗嬉戲. 但當我們經過另一個水潛, 見到好多父母帶埋的小朋友落水玩, 雖然睇落無咩危險, 但意外就係意外, 真係唔應該比的小朋友咁樣玩.
今日行咗不到三個小時就全程行完 (藍路+紅路), 大約行咗七公里, 都幾攰架. 但相比起上次行啡路都係七公里, 用咗四個小時, 簡直有的體力透支. 今次算好輕鬆啦.
今日行完, 我地唔去小白鷺食午飯啦, 次次行完去食扒, 咁仲攪得掂, 食落去仲多過行山消耗嘅. 上星期講咗, 今日行完, 去我屋企食粥炒麵.
呢煲就係我叫Cindy煲嘅菜心黃花魚粥. 昨晚用shuttle chef煲個白粥底. 今朝就蒸咗九條黃花拆肉, 另外用什魚餚個魚湯, 加落的粥道. 菜心焯熟切碎. 到我返到屋企, 食時先將的魚肉菜心加埋落的粥道, 一滾就食得....非常鮮味呀!
另外再整咗麻醬涼拌茄子
陳醋木耳
另一行山隊員陶媽叫工人姐姐炒米粉
另一行山隊員叫工人姐姐炒了印尼炒飯及炒麵
陶爸無去行山, 但帶來了腸粉及魚蛋
我地本來話唔想食咁多麻, 攪吓攪吓又好豐富. 九個人(加埋Cindy十個), 咁大煲粥(11公升), 全部食哂呀!
只要拇出嚟10分鐘, 跟著用200度焗12分鐘. 我無跟佢的時間, 我覺得唔應該用咁大火, 焗得太燶就唔好啦.
