今日放工同型爸二公子去大埔超級城, 因為一田又大減價, 唔想星期六日太多人好迫, 星期五晚去, 始終少人的.
不過去到, 都未入到一田, 停車埸已經大排長龍. 要咁排隊, 真係咩野都變得無趣. 入到去超市, 想買的火腿芝士, 竟然用布蓋著唔賣....有無攪錯, 可以唔減價賣, 唔應該蓋著唔賣.
不過嚟到, 唔多唔少又買的, 果味酒都買咗幾枝.
呢道平時都已經好旺, 的食肆間間都好多人, 加上一田大減價, 旺上加旺.
入超市前去咗坂長壽司撳飛, 要等十幾二十張檯, 諗著買完出嚟啱啱好, 點知出到嚟又過咗龍要再等十幾張檯, 咁梗係唔等啦.
經過見到呢間董家台灣牛肉麵有位(其實佢地都坐到滿, 只係無咩人等位), 咁就入去食啦
可能人手不足, 只有一兩個侍應及傳菜, 收碗收碟清潔檯面都做唔切.
晚餐都好實惠喎
平均HK$50一位, 我地三個人, 要了一人及二人餐
有十款主食可以揀, 每人介可以揀多一款小食.
仲可以揀一杯飲品
二公子要了台灣貢丸麵
飲品我要了紅棗薑茶, 兩位男向要了冷熱梨茶
一田大減價帶旺哂呢道的零售及食肆. 不過我次次嚟都係去超市, 就算唔減價都會買. 哈哈, 每次嚟都貢獻唔少呀!
沒有留言:
張貼留言