大埔滘林徑- 啡路行山樂

June 7, 2015, Sunday

上星期行完大埔滘林徑藍路, 今個星期唔使諗, 一於行啡路, 心目中, 只係多一個小時, 我地應該應付得嚟.

今次仲比上次早十分鐘, 但去到的車泊得更滿, 我地要違例泊車.  車位太少, 違例泊的比正常位還多.  不過大家都好識做, 泊到唔會阻路, 其他車輛仍可通過.

山下有幾個指示牌, 而其中一個係大埔野外研習園.   唔怪得之頭先見到咁多後生仔, 著哂隊服, 應該係去呢個野外研習園....後生仔肯咁早起身去參加戶外活動, Like!

而我地就行上去林徑嘅起點.

話明係林徑, 全部都係山林泥地, 唔知係咪水土流失, 好多地方的突哂的樹莖出嚟

 

呢道最大嘅好處係唔曬, 大部份路徑都係樹木林蔭, 唔會好曬好熱.   但啡路好多斜路及梯級, 行到索哂氣.  我覺得壓著個心口, 要慢慢行, 抖一抖. 

都無咩好影, 全部都係呢的林路

行咗兩個幾鐘, 睇的路標, 仲話要行多45分鐘.  睇著呢張圖, 就比教清楚個地形.  紅路最短, 內圍一個細圈, 藍路在外圍大一個圈, 啡路比藍路差不多大一陪, 應該唔止多行一小時.  而最遠的黃路睇落比啡路遠程一半.

睇清楚的, 紅路只有3公里, 藍路4公里, 啡路原來7公里, 而黃路係10公里.

卒之見到呢個牌藍啡黃路匯合標示, 相信行多半小時就會見到那個大休息亭.

 

行到好攰, 好想休息呀, 見到個大休息亭, 真係飛撲埋去坐吓.

由大休息亭, 我地大約仲要行20分鐘, 先到山腳下取車呀!

 
 行到尾段, 我地見到好多馬騮(大約4-5隻), 有的仲跟去到大休息亭, 唔知係咪想睇吓我地有無野食.

睇睇錶, 今日我地足足行咗4個小時, 佢嗰道寫2.5小時, 可能要體能好好, 行得好快先可以.  仲有2.5小時無計來回石屎斜路, 上20分鍾, 落20分鐘.   再加上我地行得慢, 又要休息, 真係要4 小時呀!

今日覺得好攰好吃力, 睇嚟都仲未可以行黃路著呀!

大休息時打電話去小白鷺餐廳, 原來唔接受訂位.

咁我地開車去試吓有無位啦.  哈哈, 好彩, 仲有最後一張8人檯.

今次再試的麵包, 雖然有焗熱, 但係的麵包質地真係麻麻

個蘑菇忌廉湯就ok

大家分別要了T骨扒, 但呢個扒肉質唔得的肉好韌呀!

美國豬扒, 另外仲有一碟意粉

杯咖啡還好

今日行咗幾個小時, 大家又攰又餓, 個個都叫扒或意粉, 3份T骨, 2份肉眼, 2份豬扒, 1份意粉.  但大家覺得呢道的食物麻麻, 睇嚟下次我地又要搵第二間餐廳啦.

傾吓講吓, 下次不如返屋企食, 煲粥炒麵就算啦.