May 31, 2015, Sunday
星期天, 行山天. 我們行山隧好開心, 因為今天行新路線呀!
八點由屋苑出發, 開車去到大埔公路大埔滘自然護理區. 八點半便到達. 真係估唔到, 停車場已經泊滿了車. 真係好多人鍾意行山, 比我們起得更早.
愛護大自然, 咁當然啦. 前港英政府起咗咁多郊野公園, 我地唔去行, 點得呢! 哈哈, 唔去就蝕呀!
沿路行去大埔滘林徑
呢道可以行上去大埔滘自然教肓徑, 但我地唔係行呢邊, 我地沿著大斜路上去行林徑
呢棵植物幾靚喎!
行到大埔滘林徑起點啦 (其實頭先嗰條大斜路都行咗十幾二十分鐘). 呢道共有四條路線可以行. 紅路 - 大約需時3/4 小時, 藍路 - 1-1/2 小時, 啡路- 2-1/2 小時, 黃路, 3-1/2 小時. 其中一位隊員約咗人十二點, 佢話不如第一次行藍路啦. 我地無所謂, 只要大家一齊行就可以.
行到去一處分义路, 標示好清楚, 紅藍路一個方向, 而啡黃路要上山另一個方向
唔好以為藍路唔使上山呀....一樣要上.
沿路標示好清晰
藍路唔係太難行, 呢段林徑, 全程都係山路
行咗個幾鐘, 以為差唔多行完, 點知又要上山, 仲要係石級添. 的山路都又直又斜
當再目到啡黃路標示牌時, 即係落緊山啦....行邊條路線都好, 最後可以回到同一起點架.
呢處附近有好多菇, 千祈唔好摘嚟食呀!
由山上行出嚟見到石屎路, 跟著一個大休息停 .
去到大個大休息亭, 左手面有一條路可以行到大埔墟火車站 . 面加手面就係出大埔公路, 即係我地泊車嘅地方.
距離起點仲有一段路, 仲要行一段大斜路落返去.
經過漁農自然護理處大埔滘管理站
全程大約行咗兩個幾鐘, 全條行山徑大部份係山路, 又要上斜落斜, 但大家尚算行得輕鬆!
行完我地開車去大埔小白鷺餐廳
有幾位組員都去過, 但我同型爸只係第一次嚟
餐廳樓底好高, 我地十一點幾到, 第一檯客, 可以任揀座位
我們挑了望海的位置(都唔知算唔算係海)
午餐每份由HK$148 - HK$298
呢道嘅麵包係唔得...好似隔夜麵包, 又無翻焗
餐湯有什菜湯
蘑菇忌廉湯
我們分別要了一份美國豬扒
三份肉眼扒
兩份巴馬火腿沙律
分別叫了飲品
我同型爸都要了咖啡
埋單HK$1,098
出到去, 見到兩邊外面兩條柱底都有雀巢, 雀爸媽仲飛來飛去, 入面有無小幼雀就睇唔到啦.
臨走前影吓相先
餐廳外仲有個搖架比的在這裡結婚擺酒嘅新人影相.
我地嚟時十一點幾無咩人, 走時就好多人. 仲有人排隊等位呢. 行到出去, 先留意呢道有間精品店.
食飽飽回家去, 下星期我地打算行啡路呀!
沒有留言:
張貼留言