應節

June 20, 2015, Saturday

 
今年端午節真係好蝕呀!  响正星期六, 係咪都係假期唔使返工.

型爸話要食和牛漢堡早餐, 咁就整和牛漢堡啦.

午餐就梗係要應吓節食糉.   因為要食糉, 就去煲粥, 因為煲粥就去整豉油皇炒麵

最後就變成腐竹瑤柱白粥配豉油皇炒麵+糉....夠哂應節.

晚上就去奶奶屋企做節

我帶咗兩枝自家製嘅梅酒, 仲整咗的青檸Vodka什飲

再煮咗咖哩牛筋腩

姪女婿整咗瑞士汁雞翼, 入面有雞腳, 雞中翼同雞翼尖

奶奶家的工人姐姐, 做咗六年要回去嫁人, 新工人姐姐剛到, 舊姐姐會教佢一個星期

我地次次返嚟都係飲呢的大什薈湯,

又係食的咁上下野, 叫咗唔好煮咁多, 又係十幾二十碟

食到咁上下又在拎碟粟米煎魚餅出嚟.....點會食得哂.

咁我煲咖哩牛筋腩梗係唔一樣, 好快就食哂啦.  不過其他的餸就剩好多啦.

食完就係食生果時間...士多啤梨, 火龍果, 提子, 梨, 菠蘿, 柚子..

跟著我再焗的Brownies+雲呢拿雪糕,佢地好鍾意食呀!

我奶奶煮野唔好食, 我姑奶又唔識煮野食.  舊工人姐姐已經唔係煮得好, 哈哈, 叫佢教新姐姐, 煮出嚟又係咁.   返親嚟都預咗係咁, 做節可以比大家聚一聚, 食咩都好啦.