桃膠皂角米黃耳糖水

November 11, 2018,  Sunday

家裡裝修, 很多濕碎野要買, 唔想周圍騰, 最好就網上購物啦.

雙十一買得有幾瘋狂....我就差不多花了一整天, 由零時開始就買,   哈哈都花了幾千元.   所以那咁大的銷售額, 我有份貢獻的....

買的種類多到不得了, 我連流水裝飾都訂了一個, 還要用物流運返香港呀!

淘淘淘, 真的很累...煲番個糖水潤一潤.

呢排常煲桃膠, 今次加多一樣....皂角米

呢的就係皂角米, 本來係白色, 浸一晚之後就變成透明.   呢的唔似桃膠, 唔會發大

皂角米, 桃膠, 黃耳, 仲加了木瓜, 南北杏, 冰糖

呢, 呢的就係皂角米, 好似話幫助清乾明目增加皮膚彈性提神補氣潤膚養顏

而桃膠是植物性膠質,沒有脂肪，仲話可以滋補養顏潤滑關節.   

哈哈, 咁正唔食點得.   煮好先來一碗熱食.

剩低的待涼入雪櫃, 明晚就凍食, 滑嘟嘟好好味呢!

太二酸菜魚 - 深圳國貿

Oct 26, 2018,  Friday night

家裡裝修, 很多東西要買, 包括裝修用料.   因為室外要重鋪地磚, 要上國內買廣場石.

型爸一早做選好那間店, 放工後馬上上深圳湖貝路.    卒之買好所有的地磚及牆石.   哈哈, 國內的電子支付方式, 真的比香港行得快子.   好彩我有微信支付...唔係就真係好out啦.    買材料落訂, 微信支付,  按幾個制就過數 (咁當然有手機雙重認證啦).   無需帶現金, 真係方便好多.

買完野,  我地坐地鐵去國貿站, 型爸帶我地去食酸菜魚, 佢話呢間好出名, 要排隊等位.

就係呢太二老坛子酸菜魚

去到差不多九點, 都仲有人等位.

睇吓個logo, 個樣 好cool喎!

睇吓呢個牌, 多個四人唔接待, 自己分檯坐啦.

睇吓平時排隊條龍, 要等咁耐我就唔等啦.

等咗十幾分鐘有位.   入座首先要用手機開佢地個App.

跟著全部手機落單.... (如果老人家無智能手機咁點呀!)

檯面仲要醒你....不要玩手機, 認真吃魚.

如果要吃白飯, 都係要用手機落單

落單後, 就會打番一張單出嚟確認

跟著型爸去沖一杯免費飲品, 教哂點沖

陳皮洛神花熱飲....好好味架.

要了蛋酥軟糍粑, 叫時唔知係咩, 食落原來係炸年糕

酸菜魚嚟啦....我們加了紅薯粉, 所以無叫白飯

的魚肉真係好滑呀!

不過的薯粉只得好少

呢個酸菜魚幾好味, 但又唔係好食得要排隊等咁耐囉.

食完比番張收條確認.

杯飲品好味, 再去整多一杯, 落多的料.

跟著响手機做埋會員, 睇吓下次會唔會有機會再嚟. 

華記蠔仔粥泡飯專門店

October 24, 2018,  Wednesday

上次同的行山團友去三門仔皇友潮漁港飲茶, 大家都喜歡食蠔仔粥.  咁同佢地講起上水有一間, 以前叫香港仔華記, 咁大家上Open Rice search 啦, search 唔到, 話結業.   明明最近去食過, 今日就專誠去幫襯, 證實無結業.

睇清楚招牌, 係華記, 前面無香港仔掛頭, 唔怪得search 唔到.   不過我試過淨查華記都係搵唔到.

search 唔到無問題, 有得食就得啦.

侍應見我影相, 問我係咪叫外賣, 即刻比外賣紙我.  哈哈, 配場食啦.

蠔仔泡粥 HK$45, 真係好多料...不過今日食落有的唔同咗, 的粥唔似泡飯, 腍咗的似廣東粥, 仲好似少咗的冬菜.

芫茜皮蛋豆腐魚片泡粥...哈哈, 兩款味道都有的接近, 相信係同一湯底.

的泡粥幾好味....會唔會落咗師傅....不過食完又唔係覺得好口渴....

都會久唔久嚟食吓.   每人一碗泡粥真係好夠.

南北杏黃耳桃膠糖水

October 17, 2018, Wednesday

近來喜歡上一款糖水, 最迎煲過好幾次.   兩星期前鄰居聚餐第一次煲, 非常受歡迎, 食完仲要拎.

呢款糖水凍熱佳宜, 因為太受歡迎, 熱食已經沽清, 無機會凍食.    當我第二次煲時, 份量控制得更好, 煲好時食熱,  第二天凍食...凍食時的桃膠冰涼滑嘟嘟, 真係好好味.

今日又再煲呀!

買咗一包, 食到七七八八, 又買多兩包做存貨.   天氣開始乾燥, 呢的糖水夠潤呀!

桃膠的份量, 取決於想要食多的定食少的,   我第一次煲時, 多人食, 就浸多的, 預每人5粒.  浸起都幾多架.   不過通常浸時都覺得少, 總會浸多.   煲多兩次就可預到份量.  浸過夜, 用篩沖走的黑色污物, 唔難處理.

黃耳我都浸過放, 發好之後煲時再剪細粒

買咗夏威夷, 但無得揀, 呢個好生, 咁買咗都煲啦.

南北杏

將全部料放入萬能煲, 加埋冰糖, 一按制就得.   如果明火煲, 最少煲40分鐘呀!

睇吓的桃膠, Yummy 呀!

Cook House - Fusion

Oct 14, 2018, Sunday

今天下午行完山, 返到屋企梳洗完休息一陣, 又要出發去街市買餸.    一開車轉出村口, 就見到林老闆兩夫婦放狗....大家傾兩句, 型爸又問今晚去邊就食...  林老闆兩間喜愛的餐廳, 食中式就新漢記, 食西式就Cook House.    哈哈, 二公子喜歡食西式, 就Cook House 啦.

呢間Cook House 我地嚟過好幾次啦.

我地早到, 叫佢地整兩個小食頂吓肚先.  佢地到咗, 整多一份佢地食.  吉列蝦同炸雞翼都幾好味.

仲有燒花枝片

薯皮.

食小食都已經飽飽地.

到我地叫主菜時, 點知老闆Kelvin話揸主意叫錯個魚生拼盤 (佢地有間日本餐廳响附近)

金雕魚生片, 非常鮮味

仲有什錦魚生拼盤

仲有一大碗海膽....我地要了一碗壽司飯, 同紫菜包飯, 加的海膽在上面....好好味呀!

我地已經好飽, 但林大公子話要食意粉, 再叫多一客卡邦呢意粉.

甜品係綠茶Tiramisu

仲整多個心太軟加雪糕.

呢餐西日fusion好滿足呀!   林老闆爭著請客, 真係多謝哂呀!