2018年10月29日 星期一

南北杏黃耳桃膠糖水

October 17, 2018, Wednesday

近來喜歡上一款糖水, 最迎煲過好幾次.   兩星期前鄰居聚餐第一次煲, 非常受歡迎, 食完仲要拎.

呢款糖水凍熱佳宜, 因為太受歡迎, 熱食已經沽清, 無機會凍食.    當我第二次煲時, 份量控制得更好, 煲好時食熱,  第二天凍食...凍食時的桃膠冰涼滑嘟嘟, 真係好好味.

今日又再煲呀!

買咗一包, 食到七七八八, 又買多兩包做存貨.   天氣開始乾燥, 呢的糖水夠潤呀!

桃膠的份量, 取決於想要食多的定食少的,   我第一次煲時, 多人食, 就浸多的, 預每人5粒.  浸起都幾多架.   不過通常浸時都覺得少, 總會浸多.   煲多兩次就可預到份量.  浸過夜, 用篩沖走的黑色污物, 唔難處理.

黃耳我都浸過放, 發好之後煲時再剪細粒

買咗夏威夷, 但無得揀, 呢個好生, 咁買咗都煲啦.

南北杏

將全部料放入萬能煲, 加埋冰糖, 一按制就得.   如果明火煲, 最少煲40分鐘呀!

睇吓的桃膠, Yummy 呀!

沒有留言:

張貼留言