Le Soleil - Royal Garden

Mar 22, 2019, Friday

都唔知攪咩鬼, 病咗兩個幾星期, 日日食著藥都未好.    酒店約食飯我都唔想去, 但秘書小組話人地打咗好多次, 推到唔好意思推.   咁去就去啦.

點知去到, 原來個sales manager 一樣病緊, 仲話有的發燒, 咁點解唔取消呢...呢排的感冒菌好犀利呀!

諗著食的清淡的, 去咗 Le Soleil 越南餐廳

呢道嘅lunch menu, 都係一個前菜, 一碗粉/飯, 甜品, 價錢由HK$178 - 208.  如果要越南咖啡或特飲, 另外再加HK$38.

我地三個都要了檸蜜.

頭盤要了米這款, 入面有一年魚餅, 半件米紙卷, 一件粉包

Sales Manager 要了生熟牛湯河 (順化牛湯)

我要了船麵

秘書小姐要了炒黑粉絲

甜品係紅豆西米露, 好彩唔係好甜 (中醫叫我唔好食甜品呀)

呢道的野食唔錯, 咁酒店價錢係會貴的.

Courage Eighteen

March 8, 2019, Friday

秘書小組明天生日, 今日提早同佢慶祝. 

本來去京城鴨子食上海菜, 點知另一位助手咁啱星期五要守齋(原來天主教都要守齋).   咁秘書小姐話不如去Courage Eighteen 啦.  上網check 咗, 今日有個鷹咀豆意粉係素食, 啱佢. 

我由星期二開始小病, 睇咗中醫, 越發越利害, 個喉嚨好似千支針咭著啦, 咳到黐肺.   病都要返嚟請秘書小姐食飯,  一早約咗, 已經改來改去, 如果仲要失約就唔好啦.   結果拉型爸送我嚟食飯, 夾埋時間睇醫生.    哈哈, 當然改變咗型爸請食飯啦.

 呢間Courage Eighteen 响好時中心G55鋪, 一間小店, 經過門口都睇唔到, 因為個門牌响門口天花細細個.

 結果我地要行到外面, 由花園那邊入口行入嚟, 經過水吧, 仲有個廚房

 入面就只有呢幾個位.     數數, 全店只可坐大約20 人

 今menu.... 原來要外面比錢落單

 我地先到, 我地要了安格斯牛柳粒意炒.   我都無胃口, 食了一半, 型爸食一碟半了.  的意粉質感做得好好, 有El Dente 嘅口感, 食落唔會偏硬有骨. 

 另一位肋手要了鷹咀豆意粉, 我相信係用鷹咀豆打成蓉做倨醬汁, 同事話幾好味.

 秘書小姐要了雞肉意粉意粉, 佢話都好好味.

每碟大概HK$69/79, 包一杯普通飲品.

我地分別要了Black Coffee, Earl Grey Tea, 檸蜜, 檸水 都無加錢.

真實幾錢我都無晤型爸, 因為我病到死吓死吓.   個中醫叫我返屋企煲果皮白粥, 跟著煲薑水沖涼去的寒氣呀!

最大問題係Cindy今日開始放三個星期大假返緬甸....全部家務都要自己嚟呀!

紅磚屋私房菜

March 3, 2019, Sunday

過年前同多位鄰居在紅磚屋食私房菜, 覺得都ok, 咁跟著大家話食多餐開年飯 (總可以搵個藉口一齊食飯)

今次又係兩圍

菜單改了, 上次食過鹽焗雞, 今次改了香酥鴨

鄰居帶了兩枝紅酒, Cloudy Bay, 呢枝酒有91 分.  開咗即飲麻麻, 但抖一陣又ok 喎

另外仲有一枝意大利杏仁租酒.

型爸帶了枝一公升裝的Royal Salute

上菜啦:

花旗參燉竹絲雞

炸鱔

百花煎焗蟹拑, 呢個整得唔錯, 好過炸好多

XO 醬炒魚扣....魚扣係魚的胃, 咁大件, 要好大的魚先有咁大個胃呀!

支竹蘿蔔煮班球, 呢碟無咩味

所謂秘製豬手, 其實係花雕豬手.  不過的豬手唔夠腍呀!  (哈哈, 覺得自己整好味的)

荔芋香酥鴨, 食到尾覺得好膩呀!

上湯浸時菜

炒飯

甜品係龍利葉糖水....真係"糖水"呀!

今次覺我的餸非常一般, 無驚喜呀!   咁價錢HK$350一位, 唔使加一, 又算抵食嘅.

8 degrees Buffet

March 2, 2019, Saturday

今日二公子的女朋友請我同型爸去食Buffet, 土瓜灣8度餐廳

去到門口見到呢個postoer

附近廚窗show咗不同的甜品

Cafe入口斜落去, 呢的係咪風水設計呢!

入到去超嘈, 外面的位置坐滿哂, 好彩我地被安排坐在房入面.

Cafe 8 Degrees, Harbour-plaza Hotel.   記得之前HoyoBuy (前Groupon)好多優惠, 最近又好似無收過.   不過咁多人, 肯定有優惠.

有生蠔, 日本刺身就响對面counter

蒸海鮮

迷你佛跳牆, 呢個湯好飲, 入面有鮑魚花膠螺頭冬芝瘦肉雞肉.

凍海鮮

熱燻 (無食)

沙律...太多人, 侍應refill 唔切 (無食)

麵包迷你萄撻芝士撻, 我食了芝士撻, 幾好味!

生果

等了好久先有龍蝦出嚟, 我地攞了三隻四個人食

呢道出名的芒果拿破崙, 但的酥皮唔脆囉.    拎咗一碟甜品同型爸一齊食.

其實整個Buffet, 我只係食Cold Cuts, 湯同甜品, 沙律熱燻芝士生果都無食士, 真係蝕呀!   無辦法唔敢食咁多, 驚一陣自己受罪, 飽得滯胃酸倒流, 咁成晚都唔使瞓.

最後食了榴槤雪條.

其實我已經唔鍾意食Buffet好耐, 但人地咁有誠意請我地食, 梗係唔好咁多聲氣啦.