不幸中的大幸

February 16, 2019, Saturday

Whisky 仔照咗磁力共震之後, 經神經科醫生睇咗, 話佢椎間盤突出的位置已經自動入返去, 無需做手術, 但弄傷咗嘅神經線需要長時間復原, 大約要一至兩個月長, 可能仲要耐的.

 在醫院住了三日, 今日接Whisky仔出院呀!

 我地早到, 當時無咩人, 但一晏的, 人同狗都咁多呀!

我地入去接Whisky仔時, 佢一見到型爸同我, 好激動發哂顛咁, 要攬實佢安撫一輪先令到佢的情緒穩定的.   跟著醫生教我地用條大毛巾, 托著他的肚腩, 幫佢行出個籠.

出院唔使做手術, 都要三萬四千文呀!

返到屋企佢的活動能力都不大, 因雙腿完坐無力.   接佢次前, 有Pet shop睇過吓的輔行帶, 但睇唔啱.  醫生就話用大毛巾都得.

 我人急生智, 用了兩條狗帶, 自製了一條輔行帶, 套在他的兩條腿上, 幫助他行.   非常成功呀!

 一托起他的後腿, 他馬上要行出門外,  後腿雖然無力在, 拖吓拖吓, 但一樣可以行.   可以起身行, 佢的自信心返哂嚟, 個樣都開心哂呀!  我地托起佢後腿, 都需要力, 但比起要抱起佢, 就容易得多.

Whisky仔, 努力呀!