2019年6月28日 星期五

父親節 - 韮菜煎薄餅配緬甸魚湯烏冬

Jun 16, 2019, Sunday



之前二公子預早同型爸慶祝父親節, 今日就輪到我要做的野啦.

首先為型爸預備的雙蛋心心火腿通粉早餐.  二公子同我地一齊食早餐, 咁就梗係放夠三個心嚟影相啦.  通粉入面仲有好多片心心火腿架.

至於午餐, Cindy 就負責整緬甸魚湯鳥冬, 而我就整韮菜煎薄餅配魚湯烏冬.  呢個煎餅, 取材自木瓜廚房的煎薄撐.  但我覺得韮菜比較惹味, 就加的韮菜. (平時食水餃煎餃都喜歡有韮菜)

配料有韮菜, 蔥, 櫻花蝦, 菜甫.

100g麵粉, 加20g 糯米粉, 250 ml 水, 一隻雞蛋

粉醬拌勻至無粉粒, 打雞多拌勻, 再加入所有材料拌勻, 加胡椒粉, 鹽糖調味

加一湯匙油, 落粉醬(不要太厚)

薄薄的兩砷煎香

煎好, 馬上食真係好好味. 

煎第二件時, 見剩番少許醬就倒埋落去, 厚咗的.   厚咗真係無咁好食的.   下次我會唔落糯米粉, 又或者減少的, 睇吓會唔會更加香脆.

Cindy都整好咗個緬甸魚湯啦

先幾日二公子的同事嚟打邊爐剩低幾包烏冬, 咁我無買河粉, 就用烏冬算啦

今次的魚湯, 叫Cindy唔好整到的魚肉咁碎, 等型爸大大啖食到的魚肉.

加的調味, 真係好正呀!   不過我覺得配河粉或米粉更好味.

至於晚餐, 約咗鄰居一對夫婦及佢個仔一齊去南苑食晚.

訂咗半隻乳豬,

沙律牛仔骨

勝瓜魚肚

一個勁大的豬骨湯鮮鍋, 夠哂我地五人食.

今餐由我做東啦...為兩位爸爸慶祝....

2019年6月25日 星期二

麻蒲韓燒 Yoho Town

Jun 13, 2019, Thursday

二公子要去個short trip, 今天提早同型爸慶祝父親節呀!

母親所那天都想試吓呢間餐廳, 但booking 滿咗, 今日係week day, 一訂就有位.

呢道主要食韓燒, 咁其他麵食或石頭鍋飯都有.

我地一家都鍾意食韓燒, 呢道的五小碟可以免費仁任添.

我地要了一客HK$698 的牛肉套餐, 佢話夠三至四人食.

 
呢個火鍋邊有的特別, 可以加泡菜煮蛋食.  食完可以再加.

牛肉套餐入面有蝦, 鮮冬菰, 脆肉瓜, 雞肶菇, 四五款牛肉

仲有一個部隊鍋

四件火炙牛肉壽司.


我地四個食, 食吓食吓覺得有的唔夠, 咁就諗著叫多個五花肉或石頭鍋飯, 但一客五花肉都要百幾兩百, 不如叫多個二人豬肉套餐, HK$368

二人套餐的野食當然小的, 有部隊鍋但就無壽司...

叫多一個餐就真係多咗的....咁有家唯有食飽的啦.

食食吓二公子話想我地試吓喜茶...佢即刻用手機落order.   佢話如果唔預先落order, 去到可能要等半個鐘.

食完我地行去Hey Tea, 仲有人排緊隊, 不過通過手機落單唔侯排, 入面有另一個counter可以攞飲品.

哈哈, 我第一次飲喜茶, 對於好甜的飲品興趣不大, 但二公子一番誠意, 試吓啦.

因為大家都好飽, 我地只係買咗兩杯, 我同型爸share嚟飲芒果芝士奶蓋, 二公子同佢女朋友就share士多啤梨奶蓋.

本來諗著走飲管的, 但的芝士在上面, 要試一杯入面不同的口味, 用飲管容易的.   四五十文一杯飲品, 當係甜品啦.

咁當然最開心係一家人一齊食飯啦.

2019年6月13日 星期四

The Cook House - 粉嶺

June 9, 2019, Sunday

粉嶺Cook House, 已經成為林老闆其中一間飯堂.   其實我地久唔久都會嚟幫襯, 因為年青的一輩個個都鍾意食西餐多過中餐.

今天林太生日, 林老闆包了餐廳地下為林太慶生.

先睇吓今日有咩野酒飲先

呢枝三liter XO係林生在這裡的存酒.   我地帶了一枝Royal Salute 21 年.   另外林老闆再帶了另一枝 Glenfiddich 25年.

除了XO, 威士忌, 仲有兩枝大香檳, 每枝三liter...   哈哈, 不過我地只係得17人, 真係飲得哂?

今日小食前菜有:
蔬菜條, 牛油果Nacho

蝦Cocktail, 芝士什肉拼盤

呢個比較特別, 係油甘三文魚子, 澳洲海膽配溫泉蛋

籚筍帶子

龍躉球

黑松露手製pizza

我飲第二杯香檳, 哈哈, 開始暈暈地...  食咗以上的都已經飽了,

跟著仲有羊架, 西冷牛扒.   今年已經好好控製, 不要太多食物.  肉類每人一片

至於甜品, 我們(鄰居們)買了生日蛋糕.  而餐廳也訂製了一個拿破崙蛋糕.

整晚有很多溫馨場面, 大家都好開心!

咁的酒有無飲哂?   除了那枝只剩下五份一枝XO 外, 其餘兩枝威士忌及兩枝香檳, 坐部沽清....真犀利呀!