大家相約, 早上八點半在餐廳食早餐
從餐廳望出去, 都是高雄市附近的高樓大廈
呢道的早餐都ok, 食自助餐, 各自想食咩都得. 不過其中一位老友的老公, 就話個胃唔舒服, 唔知係咪昨晚食得太多.
我們訂了一架八人車 (之前在香港訂車時, 挑選了這款比較寬敞的車, 咁當然貴少少啦, NT7000 十小時. 約了司機十點出發, 今日去屏東, 墾丁, 跟著去浸溫泉呀!
第一站我地去東港的華僑市場, 車程個多小時
當然仲有黑.鮪刺身. 哈哈, 店家係咁叫我地試食, 咁唔幫襯點好意思. 因為時間尚早, 食唔到喧多, 買咗一嚿靚靚的吞拿魚腩, 另外再幫襯一個小販買了芒果, 淨食刺身及芒果.
跟著下一站係墾丁....途中....去了果店買了勁多愛文芒果....朋友仲打包了兩箱帶返香港, 哈哈, 真係唔怕濕熱呀!
去到墾丁, 那位司機哥哥介紹了一家海鮮店....哈哈, 唔係咁呀! 那位賣海鮮的分明劏客...真係當我地係香港來的水魚...價錢比鯉魚門仲貴??? 既然坐低了, 我地又唔餓, 叫少少啦. 千幾二千文台幣一斤的魚就唔叫啦. 叫的八百多元台幣一斤的魚算啦. 兩隻蟹要五千多元台幣, 咁唔要兩隻, 一隻夠啦. 真係好彩無叫兩隻, 一隻都食唔哂.
我地本來想馬上去浸溫泉, 但司機話剛食飽, 下午天氣那麼熱, 浸溫泉不大好, 先去鵝鑾鼻走一走
天氣好熱, 經過呢個有蓋賣紀念品的地方就舒服的.
我地希望男女一齊, 所以選擇了露天風呂.
這裡有五個露天池, 我地每個池逐一去浸. 大家都玩得好開心.
回程時有兩位男士病到了, 之前唔舒服的那位, 除了胃部不適, 想嘔還開始發冷. 連高大威猛的型爸都話發冷, 個胃唔舒服.
返到酒店男士們要休息睡覺, 咁我地五位女士就去其中兩位女士的房間Girls talk.
等到九點, 兩位男士都仲係好唔掂, 比咗的成藥佢地食. 等佢地繼續休息.
咁我地六位, 就行去就近凡興中夜市, 諗著隨便食少少野.
點了幾款東西六個人share 食.
我見的餃子都幾好食, 咁whatsapp 型爸問佢要唔要食....點知型爸話唔食啦.....佢話嘔咗好多次呀!
返到去睇佢, 佢話嘔咗反面舒服的, 不過仲係好凍, 要瞓覺. 再食咗的藥, 嘔完休息吓, 有望無明事啦.
而朋友的老公仲有的發燒, 食咗退燒藥就好的.
大家今日早點睡, 睇吓明天點樣先.
沒有留言:
張貼留言