2019年6月10日 星期一

老友鬼鬼高雄開心四天遊 - Day 4

May 19, 2019, Sunday

行程的第四天, 亦都是最後一天. 

早上吃完早餐, 大家收拾行李, 先check out, 行李放酒店, 繼續我們的行程.

今早有一個必到之點, 其中兩位男士, 十分喜歡玉器, 哈哈. 所以去玉器市場是其中一個必去景點.

去到玉器市埸, 我同型爸行了兩圈就已經覺得無報, 因為唔識如何鑑賞, 又怕買貴兼比人呃.   咁我地兩個就陪其中一位老友去買鳳梨酥. 

已經check咗, 只要行十分鐘就可以去附近維格餅家

大熱天時, 行十幾分鐘都已經出哂汗...差多行, 遠遠望到...有的驚奇....吓, 成間堡壘咁, 咁誇張?

入面好大, 人頗多

我真係唔知維格咁出名, 未食過呢間嘅鳳梨酥.  呢間有出加了鹹蛋黃鳳梨酥.   但我試食時又唔覺得好好味, 只係普普通通.

我影相比的老友, 點知佢地個個都話要買, 結果買咗十二盒, 好彩有型爸响道, 唔係都唔知點拎呀!  行返去玉器市場拎著都好重.

還好, 兩位愛玉的男士都買到了心頭好...

拎著咁多野諗著返酒店放低先啦....見仲有幾個鐘, 不如去唱 K.

哈哈, 去KTC 消磨咗三子時, 順便食埋午飯.

跟著返酒店攞埋的行李坐地鐵出高雄機場.

返到香港都八點幾九點, 二公子來接我們.  回到家, 兩隻寶貝係咁跳係咁叫....當然又仲要錫錫錫咁啦.

今次大家都玩得好開心呀!   又給我們多年老友多一件開心的回憶...一起走過的日子.   明年再約, 一齊去玩.

沒有留言:

張貼留言