五號屋製膏- 紫雲膏

February 1, 2014, Saturday, 年初二

當人人都好落力去整蘿蔔糕, 芋頭糕時, 五號屋靜靜地整膏...係呀, 係膏唔係糕呀! 呢個叫紫雲膏呀!

事源上次去飲宴時, 朋友知道我的手過敏, 要睇醫生,又要食抗過敏藥, 醫生開了類固醇藥膏. 但我又唔想常搽有類固醇的藥.  朋友介紹了一款叫紫草膏的東西, 又叫我上網睇吓有關紫雲膏.  佢話係用中藥製造, 純天然, 當護膚品.

上網查咗之後, 十分有興趣, 紫草加當歸, 有消炎護膚作用.  小朋友都可以揸, 但孕婦就不宜啦.做法唔難, 要買的藥才亦十分簡單, 五號屋梗係想試吓做啦.

不過簡單歸簡單, 我跑了幾家中藥店都買不到蜜蠟, 去到上水的中藥店, 問時都受了白眼,  過年前, 他們做的都是內地遊客生意, 他們買的奶粉呀糖果的大生意, 我買些少藥才, 他們都沒大興趣. 

哈哈, 五號屋把心一橫, 內地客來港攪到我地的藥房咁昌旺, 我掉轉頭返國內大型藥房買藥材.   至於蜜蠟要上到淘寶先搵到. 

攪呢攪路都要1 月22日才齊料, 當晚就開始浸.

上網查了很多有關資料, 亦有很多不同配方, 我集合了兩位中醫師的配方及做法. 不煎煮藥材, 用冷浸, 再加熱至某度數.

劉亮吟醫師的配方, 但我不贊同他的熬煮方法.  我還是喜歡靚女中醫師楊明霞的方法, 比較科學.  我們用的是油, 煮到沸點便好像炸一樣, 怎樣都不覺得炸藥材是對的.

我今次的用料:

紫草 15g

當歸 15g

黃蠟 18g

橄欖油  160g



 

這是新疆紫草

當歸

 

將兩款藥材剪碎, 分別放入杯內.  兩款重相同, 但體積不同

浸當歸只用35g 橄欖油, 其餘的都倒進紫草杯內

加蓋封存七天 (有些配方說要浸三個月, 我覺得太長了)

1 月29日應該可以做了, 但當晚要蒸糕, 咁過年梗係要攪掂的糕先整呢的膏啦.

結果浸了十天, 年初二, 無咩特別野, 攞出嚟玩吓先.

將浸了藥才的油過濾隔開藥材

將兩款油混合,被藥材吸了些油, 只剩下125g

 

 用水煲加水放入藥材加熱(其實應將蜜蠟一起放入去)

預備溫度計

將黃蜜蠟加入紫草油內

 

加熱至75-80度, 離火, 因太高溫會破壞藥材當中的成份 (所以覺得熬煮唔啱)

的蜜蠟差不多全溶了, 但我覺得有少許雜質

再過濾一次

真係有的黃蠟未溶哂

我用了一個吸管

將藥吸起放入已清潔之容器, 我做了幾枝唇膏, 用時方便點.  哈哈, 第一次做, 的手工唔係好靚呀!

我做的紫雲膏比較深色, 但朋友給我用的就比較淺色.  可能紫草的份量比較少吧.

這些藥膏沒防腐劑, 只可以保存半年, 如果唔係派街坊, 無需做太多. 最好放入雪櫃儲存.

我覺得得好好玩呀, 我會用其他配方, 再整呀!