火車頭越南餐室

February 14, 2014, Friday afternoon

參觀完香港杜莎夫人蠟像館, 响山頂影完相, 我地就去大坑搵野食.

去到大坑有好多食肆, 多到都唔知食咩, 還好已經過了食晏時間, 唔需要等位.

 

 我地選了這間火車頭越南餐窒

 

午市都有好多選擇

 

 我跟姊夫都要了勁薑生滾豬潤牛肉湯河

 

 型爸要了火車頭招牌湯河

 

 姨甥要了鮮茄牛腩湯河

姊姊話唔太肚餓, share 少少食就得.

呢道的湯河真係好味, 的湯底非常好, 正呀!   

 

 的魚露都好味呀!

的湯麵由五十幾至七十幾一碗, 唔平架.  不過午市唔使加一. 

食完我地在大坑周圍行吓, 姊夫年輕時, 曾在呢區住過, 層舊樓仲响道.

 

行過見到呢間排檔

 

 哈哈, 呢的字唔知係咪真係Eason 寫嘅呢.   但我地肚飽, 幫襯唔到.

見到對面牆上掛著好多甜品嘅相, 好吸引呀!

嗰頭話飽, 見到的甜品又想試

哈哈, 不過想試都無得試, 呢間店午市唔賣甜品, 晚上先有得食.  咁都好, 唔使食咁飽.

食完我地要去睇媽媽, 家姊返嚟十幾日, 後天走啦, 趁今日有時間, 一齊去睇吓佢. 媽媽年紀大, 見得一次得一次啦.