高雄自駕遊 - Day 6

February 9, 2013, Sunday

行程的最後一天, 不過今日都仲有好多時間, 我地坐晚上九點幾機反香港, 足足有大半日時間.

 
先去酒店對面, 多倫多咖啡餐室食早餐

早餐西式為主, 都有好多選擇

我同家姊都要了這份簡單早餐

型爸要了意大利腿蛋包

姨甥姊夫要了這一款

食完早餐, 我們回酒店拿行理, 要check out呀

 

從63樓望下, 跟前天晚上影的夜景, 完全不同呀!

Check out後將行理放到車上, 我們又出發了

  
先到旗津買手信, 哈哈, 都唔算係手信, 都係買嚟自己食

要買魚鬆, 魚乾蝦乾, 可以用嚟做送酒小食呀!

買完魚鬆就去買胡椒包, 打咗電話去, 要一點半先開

去到剛剛第一爐焗好.  講真, 呢道的胡椒包無我地响台北買嗰的咁好食, 不過都買幾個啦.

午餐姨姨甥想帶我地去新台灣之原味.

去到影吓相, 坐低自發覺無麵食, 我地下午唔想食火鍋呀!   離開去食牛肉麵

姨甥上網又找到呢間好出名的港園牛肉都館,多人到不得了, 又要等位.

 

睇吓, 買牛肉麵都可以好巴敝架.

 

  
餐牌掛在牆上, 就只賣呢幾款

要了牛什

4碗牛腩麵

一碗豬手麵

另外再叫多一碟豬手及牛筋.

哈哈, 講真又真係幾好味, 唔怪得之咁巴敝咁多人食啦.

食完仲有節目, 就係去行愛河.  未去前都唔知愛河係點, 去到原本又係好似夜市咁好多攤檔擺賣.

呢個狀兀糕真係要介紹一下

小妹妹用米粉, 好熟練的用這個圓形東西將米糕做出來

放在一個高溫蒸氣噴咀, 十幾二十秘, 米糕便熟了

熟了倒出來就是這樣

有三款口味, 鹹的肉燥, 甜的芝麻及花生

NT100有6隻. 我人們要了三個芝麻, 兩個花生, 一個肉燥.  食落去味道似白糖糕呀!

見到其他食物, 都唔敢食呀!

呢條就係愛河, 右手面沿路落去, 全都是檔口呀!

台灣人真係鐘意行街, 又食好多人

炸蟋蟀,真係有人買嚟食, 我地睇吓好啦.

有好多檔呢的盆栽冰淇淋, 檔口老闆一見我影相, 即係比我V我, 咁同佢影張相啦.

大大隻魷魚, 超大銅鑼燒, 不過只係display嚟呀!

行完我地從後面行人路走出來, 見到呢間素食店

原來又的名, 下次可以嚟試吓

原來檔口在前面, 後面放了很多桌椅, 幾多人坐响到食.

臨走睇埋的花燈

六點幾出發去機場, 到達後先去還車

跟著仲有時間响機場行一陣, 不過都無咩好行, 只去duty free買了兩枝酒

無咩野做又同型爸去食的野

型爸要了排骨酥麵

我要了雲吞湯

的價錢好合理, 折算港幣仲好抵食添.

上機啦, 準時起機準時到達香港

當一切都好美滿時, 卻要在行理帶上等了個半小時....唉, 真係好少有咁嘅情況.

最後攞齊行理, 我們開車先送姨甥家姊姊妹夫回家, 返到屋企都已經凌晨一點幾.  執拾一下再梳洗, 瞓落床已經三點幾.   明天還要上班, 唔返唔得呀, 同一部門另外兩位同事都請假, 想休息多一天都唔得呀.

總結這幾天行程, 十分開心, 希望明年家姊姊夫又回來, 可以一起去旅行呀!