順德公漁村- 偉晴街

February 1, 2014, Saturday, 年初二

今日無預定節目,本來諗著响屋企隨便食的野, 跟著預備明天聚會的食物.  從加拿大回來的姊姊姊夫, 今日有空檔, 不如晚上一齊出去食.  咁又好啫, 佢的加拿大朋友叫佢地去順德公試吓的魚唇.  我地就去訂位啦.

型爸話人多好叫餸, 叫埋林老闆, 六七個人.   哈哈, 二公子有食神, 本來同朋友去街唔返嚟食, 結果我地預備出門口時佢就返嚟,

訂咗偉晴街順德公漁村, 型爸嚟食過, 但我未嚟過

順德公好似有幾間分店

坐落先叫兩個小食

煎尖椒

米通鯪魚球

 

要了天麻魚頭湯, HK$330

 

睇吓的湯渣就知好足料, 的湯好甜

要了扣魚卜

椒鹽鮮魷

 

煎魚腸

 

我地打電話訂位時留了魚唇, 哈, 原來魚唇(魚咀)即係半邊魚頭

要了兩份, 要HK$478..真係搶錢

梅菜心蒸菜心

要了花錦鱔,HK$35一兩, 呢鍋HK$832, 我地都知花錦鱔好貴, 不過咁嘅價錢, 真係唔值.

佢地剛劏了一條大啜魚

個頭仲長過隻手掌

講真, 呢道的野真係麻麻, 好重味, 碟碟都用砂鍋上, 樣樣都差唔多味.

後而我地最後叫嘅大良雙皮奶唔錯.

滑得嚟震震吓, 唔甜, 好味呀!

八個大人加一個小朋友, 埋單HK$2918.

食完同家姊姊夫一齊返屋企, 佢地响我屋企住一晚, 因為明天家人團拜, 佢地唔使再入嚟啦.