一路都無講, 我從加拿大返嚟, 幾日都唔想同Cindy講野.
我地去旅行, 佢响屋企真係無咩野做, 最主要都係照顧兩隻狗狗. 但响我返嚟前一天, 佢Wechat我話打爛咗塊glass shelve, 叫我don't be angry, I do apologize. 咁我覆佢點解會打爛架, broken is broken, just make sure completely clean.
到我返到屋企, 原來佢唔止打爛塊glass shelve, glass shelve 上面嘅水晶全部打爛哂, 其中一件仲好有紀念價值, 真係萬萬聲, 仲唔可以用錢嚟衡量. 咁我問佢要抺塊玻璃層板, 都要先拎開的水晶先架, 點知佢話將的水晶推埋一邊, 結果就打爛啦....懶到咁. 叫我don't be angry, 但我真係very unhappy. 但咁我可以點呢, 唔通扣佢兩年人工咩....唔爛都爛咗啦. 唔開心咗好幾日, 但都無辦法.
連煮野食都生疏哂, 之前嗰兩三日, 煮的餸都係唔得, 我都無理睬佢. 今日只係煎炒焗, 先似番的樣.
煎雞翼, 焗鯖魚, 炒通菜, 蕃茄薯仔肉丸湯
平時食簡單嘅幾餸一湯都好開心, 但一經過個水晶櫃就好唔開心啦.
沒有留言:
張貼留言