2019 Canada Trip - Day 2

July 17, 2019, Wednesday,

實在太攰, 昨晚都算瞓得唔錯.   來到加拿大心情都輕鬆的.

今日我地會去尼加拉瓜大瀑布, 我同型爸都去過好幾次, 但二公子第一次嚟多倫多, 點都要同佢去吓.

我地好輕鬆, 十點幾先開車出發, 兩個多小時就到.   不過我地先去Outlet, 買咗野先.

午餐响Outlet food Court 入面嘅Subway 食的野....的三文治太大份, 兩個食一份就差不多.

跟著我地開車去瀑布啦, 由outlet 開車去, 都大概二十多分鐘.....   嚟咗咁多次, 呢個瀑布真係好勁呀!

唔止响外圍影相, 我地買票坐船入去近距離影呀!

每人都派一件雨衣 (加拿大呢邊係紅色, 而美國嗰邊係黃色

排隊上船

影咗好多靚相, 不過差不多全身濕哂, 但大家濕得嚟又好鬼開心喎.  船長係特意將船駛近瀑布, 的水加大浪, 攪到企响船邊的人全部笑著濕身.

我地仲影咗的相, 除咗即時打印比我地, 仲可以上網download

玩完出嚟我地要趕返多倫多, 今晚約咗家姊姊夫食晚飯呀!

由尼加拉瓜瀑布開車返去要兩個多小時, 返到多倫多有的塞車, 我地遲咗10分鐘.

呢間The Keg, 我地之前都嚟過, 呢道嘅西餐唔錯.



姊夫介紹開呢枝酒, CAD50, 佢話去酒鋪買, CAD二十幾就可以.   咁餐廳開酒係貴的架啦.

各自要了不同的前菜

哈哈, 主菜大家都係叫牛+龍蝦尾....個個都係牛魔王呀!

埋單CAD421.49, 但仲要加多十幾個percent service charge, 最後比咗CAD490.  CAD70一位又唔貴喎, 呢道的野好食....very good!

食完開車去就近Walmart 買生果, 呢道的車厘子又平又靚...即刻去入貨.