法國藍龍蝦牛扒餐

Apr 22, 2019, Monday

昨天從汕尾回到家, 都仲未入屋, 對面屋的陳教授就走過來, 有野送給我們.

哈哈, 竟然是活生生的法國藍龍蝦.   他說今早剛到港, 送一隻比我地.

真係多謝哂, 但係個心就有的忐忑, 因為昨晚唔會整嚟食, 約哂的汕尾團友一齊去錦田食.   咁唯有放入雪櫃, 今天先整.

第二日攞出嚟, 好開心呀, 隻龍蝦仲生的.  睇吓幾大隻.

上網睇咗用咩方法整最好食....就係白烚, 呢個size, 大約十至十三分鐘就可以.   我怕over cook, 煮咗10分鐘

另外再煎兩塊西冷扒

煮咗的芝士汁意粉

炒咗的椰菜.

我地嘅藍龍蝦牛扒餐就攪掂.

隻龍蝦鮮味都不得了, 我諗昨天食就更好(唔知有無餓瘦到呢!)

多謝陳教授....呢的鄰居去邊道搵呢!   哈哈, 我呢個屋苑就有好幾位啦.