星期五晚的西式快餐

July 31, 2015, Friday Night

星期五, 又係Cindy放假嘅日子, 不過都無諗著出街食.   一早預備咗, 今晚會整西式快餐.  星期五晚自己煮都好架, 明天唔需要返工, 無壓力呀!

今日煮嘅野, 全部都係上星期六去觀塘駱駝漆大廈三座一樓, 一間叫 Food Depot買架.

呢樽係海鮮湯, 本來想買龍蝦湯, 但佢地無, 佢話呢款海鮮湯入面都有龍蝦favor, 咁就買一樽試吓.  本來就咁加熱就可以, 但我想好味的加咗半杯cream....kakakaka, 真係好味的架.

煮緊個湯, 同一時間焗埋pizza

兩個即食pizza, 一個係蔬菜pizza, 一個係黑松露pizza.  由雪櫃攞出嚟, 解凍10分鍾

 
預熱焗爐200-220度, 焗10分鐘.

焗pizza時就整牛扒

呢塊厚切美國安格斯肉眼扒, 726g (大約25oz)

大約2"厚.  早一晚由冰櫃取出放入普通雪櫃解凍.   今日放工由雪櫃攞出嚟已經完全解凍.  佢地叫我無需要洗, 去咗的血水後, 就可以煎.

今日我用煎焗嘅方法, 無用鑄鐵鍋, 只係用易潔平底鑊

牛扒每面煎分零鐘, 牛扒邊我都煎.

每面煎好後(目的鎖著的肉汁) 放上焗碟

預熱焗爐200-220度, 焗10分鐘

焗緊牛扒時, 我地先飲餐湯同食pizza.

牛扒焗好, 先靜止5分鐘, 等佢收收的血水先.

一切開, 型爸同二公子都好開心, 因為佢地就係鐘意食medium rare

我就嫌生咗的, 但為咗遷就佢地, 我會食end cut, 或者再落鑊將自己嗰份再煎一煎.

一件25oz 嘅肉眼, 兩個牛魔王, 每人食咗10oz啦.   而我呢個負責買同負責煮嘅, 都只係食咗4-5oz 咋.

呢件肉眼超腍, 佢地食得好開心呀!  仲話下次都係要咁整好的喎.

今餐成本大約HK$500, 三個人除開都係百零文,  出去食, 點得呀!