大埔滘紅藍林徑行山樂

August 2, 2015, Sunday

上星期日下雨, 我地無去行山, 行山組員昨晚已經响Whatsapp 群組不斷研究今天要行邊道...梧桐寨!  好似激咗的喎.   組長及副組長三四個星期無行過, 今個星期行番, 行的輕鬆的啦.  我地都係想出吓汗, 行的高體能嘅, 操吓先再行啦.

結果, 我地行大埔滘紅路+藍路.

呢道行過幾次, 覺得一的難道都無


哈哈, 平時行都無留意原來呢道都有條小瀑布, 只係無比的樹蓋著, 行落去都有的危險.

輕輕鬆鬆, 行咗兩個幾鐘.  大家又研究去邊道食.

 
結果去到大埔陳漢記, 粥粉麵飯, 任君選擇.   但呢道好難等8 位, 我地分兩檯, 4位4位一檯.

 
呢道都有午市套餐, 我同型爸都唔啱,都係食粥麵好的.  其中一位組員叫咗A餐.

 
組長及型爸都叫了粥餐, 碎牛粥+炸兩.  HK$29+9.  一落單, 侍應就話, 腸粉要等...咁都要等架.  呢碗碎牛粥的碎牛真係好碎.  以前食有的一嚿嚿碎牛, 但現在就一眼睇哂, 一嚿碎牛都無.


我要了艇仔粥+腸粉, 等到天荒地老, 人地都食哂, 碗粥都未嚟.   等就等啦, 橫掂炸兩腸粉都係要等.

 
我同型爸要了碗爽腩麵HK$40,  呢碗麵最正, 麵同爽腩都好正.

好彩食著半碗麵, 碗艇仔粥追咗兩次先至到.

 
另外一位組員要了鹹蛋义燒油雞飯, 佢話的燒味唔得.

的野食哂炸兩腸粉都未到...足足等咗35-40分鐘的炸兩同腸粉先嚟(都要分兩次).  的炸兩唔得啦, 亦都唔係以前嘅玻璃腸粉.    唔怪得要等位, 的野出得咁慢, 坐响道等食物都等咁耐啦.

呢間陳漢記, 的伙計(由其是嗰位男士)服務態度唔好, 的野食又麻麻, 又要等得耐.  每次嚟完, 都要等好耐都唔再嚟.   上次嚟都好似係去年11月, 去完麵粉廠買麵粉嗰次. 

不過我地覺覺得的粥同腸粉麻麻, 但個牛爽腩都又ok嘅, 冬天嚟食煲仔飯都唔錯.  呢道都總有的捧場客.