川婆婆

May 6, 2016, Friday

嗰日睇電視"彊"見到其中有一場外景响川婆婆餐廳下面拍, 諗吓都有一段時間無去幫襯.

唔去幫襯主要係遷就慢魔魔, 佢唔食得辣, 一食就敏感兼肚痾, 咁我有得揀就唔會同佢去呢間.

但今日慢魔魔唔同我地食.  我同麻煩鬼即刻諗起去川婆婆.

去到就馬上叫了口水雞同水煮魚.

我地都唔想太辣, 只係要了小辣的口水雞, HK$48, 味道唔錯.

 
小辣的水煮魚, HK$63.   今日的水煮魚唔得呀!  的魚好鹹, 好似水煮鹹魚咁.

叫兩份餐有一碟油菜送

如果唔係的魚太鹹, 都幾好架.  不過麻煩鬼提醒, 的水煮魚少咗以前的花椒香味.

的魚腩又鹹又辣, 真係要送飯呀!

川婆婆都做咗幾次變陣....之前有做粉麵, 根著又無做, 而家又做留.  的午餐以前包飲品, 跟著又唔包, 加飲品加HK$5.  跟著又變陣, 午餐不包飲品, 要飲加HK$2, 兩份餐送一碟油菜....

變來收變去為咩野....一包說話....生意難做.   唔做粉麵, 的生意跌好多, 加五元先有飲品, 的人又嫌貴...所以變都係好嘅.   今日去到, 的檯都有八成滿.

埋單HK$115, 五十幾文一位, 都算係咁啦.