2016年5月18日 星期三

聯邦皇宮飲茶慶母親節

May 7, 2016, Saturday

明天是母親節, 今天一早起身去接媽媽同哥哥一起飲早茶

哥哥負責去搵位, 我地接媽媽.  星期六, 沒有那麼多人, 比較適合媽媽. 

還有, 星期六比星期日, 平大約兩成, 真係相差好遠. 

同媽媽一齊, 大家傾吓講吓.   哥哥嫂嫂月底要開始兩個月之旅, 去歐洲跑兩個馬拉松, 跟著我地會响加拿大匯合.    咁長時間, 我地要輔導吓媽媽先.

叫個流沙奶皇飽氹吓佢.

呢餐好抵食呀, 叫咗十個點心 (無超過2.5的原則), 埋單都只係HK$266, 但茶錢就佔咗HK$50.

我地响青衣城聯邦皇宮飲茶, 由青衣城停車場上三樓, 都有一段頗長的路, 對於我地嚟講, 當然無問題啦.  但對於媽媽嚟講就好吃力啦.

母親節, 最大的幸福是什麼.....
能夠挽著媽媽手, 陪著她一起走路..... 她仍能自已走路, 自己吃東西, 已是很大的幸福.

沒有留言:

張貼留言