2015年12月15日 星期二

2015 Bangkok 悠閒遊 - Day 1

November 27, 2015, Friday

呵呵呵呵, 五號屋又要放天悠閒假期,每年一次的泰國之旅.

其實呢個假期已經安排咗幾個月, 反而雙牙之旅係加插落去, 突然決定同姑奶去, 前後都無兩個星期就出發.

 
優閒假期, 梗係唔要晨咁早嘅機啦.  12:30分飛機, 唔使晨咁早起身, 好似平時七點幾起身, 十點出發, 到機場都算時間啱啱好.

不過機場好多人, 排隊過關/檢查都好多人


到我地去23號閘口香港航空Business Class Lounge,  都只剩大半個小時, 都係有的急, 唔可以慢慢嚟.


呢個lounge都係第一次嚟, 以前無坐過香港航空商務客位

Lounge 提供一些輕食, 選擇不多

呢道的魚蛋粉無Premium Lounge嗰的咁好食.

今次好開心, 坐商務客位, 座位寬闊舒適的.  對於型爸呢的高頭大馬之人, 就唔使頂著對腳.
 
未起機先遞上飲品, 跟著送上午餐餐單

前菜大蝦沙律加伯爵茶

 
蒜蓉包, 主菜係牛柳

 雪糕甜品

成個飛機程, 啱啱睇完劉德華套電影"失孤".   看完後真為那些被拐走了的孩子及失去了子女的父母心痛.   對其中僧人的一段話很深刻. 「他來了,緣聚。他走了,緣散。你找他,緣起。你不找他了,緣滅。走過的路,見過的人,各有其因,各有其緣。」

落到飛機等過關, 個條蛇餅長到.... 十一月底已經唔係旺季, 都一樣咁多人

 
行理優先都無用, 過關等咗好耐, 都係的行理等我地.
跟著去到Gate 7, 又要排隊, 買張網咭.  好抵, 只係BHT299, 咭入面仲包咗BHT100通話費, 可以打電話.

 
今年唔坐地鐵, 型爸話坐的士.   的士條龍唔長.   先去個Machine按張票, 跟著指示去4號位等上車.

一上車司機話睇錶, 但要加BHT50 (所有機場的士都要), 橋費我地負責.  兩條橋費BHT75.  由機場去到Sukkumvit 15, Hotel Movenpick 都只係BHT259, 加50, 加75都只係BHT384, 比BHT400司機, 佢好開心, 係咁多謝.   

 
Movenpick Hotel, 新開的五星級酒店, 裝修簡約


一的都唔豪華, 但感覺舒適

房間又係簡簡潔潔

放低的行理我地出發啦.
先去BTS站 SuperRich換錢, 呢度的匯率係最好架.   所以呢道換錢, 又係要掛隊.

機場對4.09, 呢道係4.56 (其他找換店都只係4.41).   哈哈, 呢十年嚟都好似未試過咁高, 明天再換多的, 用唔哂留起都抵呀!

跟著去到BTS站又要排隊買票, 救命, 曼谷已經變成排隊城市.   排隊歸排隊, 大家都好守秩序, 無手打尖.

即刻買張兔仔咭, 張咭有限期2年, 要200BAHT, 共中50Baht係手續費, 50Baht按金, 只剩下100Baht可以用.
坐BTS由Asok去Chit Nom, 先去拜四面神.   即刻令我想去那爆炸事件

我們無預定今晚食咩野, 隨便行隨便食

跟著行咗去水門沙嗲王廣興, 佢地開咗好多間鋪呀.  

的價錢都好經濟

要了雞飯送碗湯

要了十條豬沙嗲, 幾好味喎.

言語不通, 本來諗著叫佢雞飯改油飯, 點知佢又攞多碟油飯, 算啦, 15Baht

另外再叫多一碟魚肚什錦

我要了椰青, 現已改成外帶裝, 咁ok嘅, 食都方便的.

型爸要了可樂加冰.  夠冰凍, 爽.

食完就去行街, 跟著再去行Big C, 哈哈, 第一日已經買咗兩三袋啦.

要提一提, 喜歡畫眼線的真係要買呢枝眼線筆, 防水, 非常好用.   左手面的去年新加強版, 右手面今年又出一款super black.

姪女要我幫佢買五枝, 我又要買五枝, 一次過買咗十枝.

買到要坐的士返酒店.

今晚唯一憾事, 訂唔到按摩, check in 時要酒店打去已經太遲, fully booked.

Akiramay, 下次幫我訂酒店時, 記著叫佢地幫我訂埋按摩, Last booking order, 21:30-23:30.

好彩星期六及星期日都訂到, 今晚唯有睇吓電視早的瞓啦.


沒有留言:

張貼留言